ଢେଙ୍କାନାଳ: ଜିଲ୍ଲା କାଇମାଟି ଧାନମଣ୍ଡିରେ ଅବ୍ୟବସ୍ଥା । ମଣ୍ଡିରେ ଚାଷୀଙ୍କ ଧାନ ବିକ୍ରି ନହେବାରୁ ଚାଷୀ ହନ୍ତସନ୍ତ ହେଉଛନ୍ତି । ଫଳରେ ରାସ୍ତାରେ ଧାନବସ୍ତା ରଖି ଢେଙ୍କାନାଳ ଗଁନ୍ଦିଆ ମୁଖ୍ୟ ରାସ୍ତା ଅବରୋଧ କରିଛନ୍ତି ଶତାଧିକ ଚାଷୀ ।
କାଇମାଟି ସମବାୟ ସମିତି ଉପରେ କାଇମାଟି, ବେଳଟିକିରି, ନାଗିଆପଶି,ଚାଉଳିଆ ଖମାର ଆଦି ପାଞ୍ଚଟି ପଞ୍ଚାୟତର ଚାଷୀ ନିର୍ଭର କରନ୍ତି । ଖରା ବର୍ଷା ଶୀତରେ ଚାଷୀ ଅମଳ କରିଥିବା ଧାନ ମଣ୍ଡିରେ ବିକ୍ରି ହୋଇପାରୁନି । ପ୍ରାୟ 20ହଜାର କୁଇଣ୍ଟାଲ ଧାନ ବିକ୍ରି ହୋଇନପାରି ମଣ୍ଡିରେ ପଡି ରହିଛି । ଏ ନେଇ ଅଭିଯୋଗ କରିବାରୁ ଚାଷୀଙ୍କୁ ଖରାପ ବ୍ୟବହାର କରାଯାଉଥିବା ଅଭିଯୋଗ କରିଛନ୍ତି ଚାଷୀ ।