ଦେବଗଡ଼:ଘରେ ମାଟି ତଳେ ଥିବା ଏକ ବସ୍ତାରୁ ବାହାରିଲା ୩୨ ଲକ୍ଷ ଟଙ୍କା । ଏହି ଚୋରୀ ଟଙ୍କା ଜଣାପଡିଥିବା ବେଳେ ପୋଲିସ ଟଙ୍କା ଜବତ କରିବା ସହ ଅଭିଯୁକ୍ତକୁ ଗିରଫ କରିଛି । ଦେବଗଡ଼ ଜିଲ୍ଲା ରିଆମାଳ ଥାନା ଅନ୍ତର୍ଗତ ବନାକାଲ ଗାଁରେ ଏଭଳି ଘଟଣା ଦେଖିବାକୁ ମିଳିଛି । ସୂଚନା ଅନୁଯାୟୀ, ଦେବଗଡ଼ ଜିଲ୍ଲା ରିଆମାଳ ଥାନା ଅନ୍ତର୍ଗତ ବନାକାଲ ଗାଁର ଡିଲେଶ୍ୱର ବେହେରା ନାମକ ଜଣେ ଯୁବକ ସମ୍ବଲପୁରର ଏକ ପ୍ରତିଷ୍ଠିତ ହୋଟେଲରେ କିଛିମାସ ପୂର୍ବରୁ କାମ କରୁଥିଲେ ।
ହେ ନାରାୟଣ ମାଟିତଳେ କି ଟଙ୍କା !
କାମ କରିବା ସମୟରେ ସୁଯୋଗ ଦେଖି ସେ ହୋଟେଲରୁ ୩୯ ଲକ୍ଷ ଟଙ୍କା ଚୋରୀ କରି ଗାଁକୁ ଚାଲି ଆସିଥିଲେ । ଟଙ୍କା ଚୋରୀ ହୋଇଥିବା ନେଇ ହୋଟେଲ ମାଲିକ ସମ୍ବଲପୁର ପୋଲିସର ସହାୟତା ନେଇଥିଲେ । ଘଟଣା ସମ୍ପର୍କରେ ପୋଲିସ ଅନୁସନ୍ଧାନ କରି ଡିଲେଶ୍ୱର ଟଙ୍କା ନେଇଥିବା ସୁରାକ ପାଇଥିଲା ।