ଦେବଗଡ: ଜବରଦଖଲକାରୀଙ୍କ କବଜାରେ ଗ୍ରୀନକାର୍ଡଧାରୀ ଦମ୍ପତିଙ୍କ ରେକର୍ଡ ଜମି । ବର୍ଷେ କି ଦୁଇବର୍ଷ ନୁହେଁ ଆଜକୁ ଦୀର୍ଘ 21 ବର୍ଷ ହେଲା ଜବର ଦଖଲକାରୀଙ୍କ ଅକ୍ତିଆରରେ ଥିବା ନିଜ ରେକର୍ଡ ଜମିକୁ ଫେରି ପାଇବା ପାଇଁ ଅବିରତ ସଂଗ୍ରାମ କରି ଆସୁଛନ୍ତି ଟିଙ୍କବିର ଗାଁର ଗରିବ ଗ୍ରୀନକାର୍ଡଧାରୀ ଦମ୍ପତି ।
ଜବରଦଖଲକାରୀ କବ୍ଜାରେ ଜମି
ଦେବଗଡ଼ ଜିଲ୍ଲା ରିଆମାଳ ତହସିଲ ଅନ୍ତର୍ଗତ ଟିଙ୍କବିର ଗାଁରେ ବସବାସ କରନ୍ତି ସରୋଜ ସାହୁଙ୍କ ପରିବାର । ଗୋଟିଏ ସନ୍ତାନ ପରେ ସ୍ତ୍ରୀ ଭାନୁମତି ସାହୁ ଗତ 1997 ମସିହାରେ ପରିବାର ନିୟୋଜନ କରି ସରକାରଙ୍କ ଗ୍ରୀନକାର୍ଡ ( ସବୁଜ ପତ୍ରିକା ) ଯୋଜନାରେ ସାମିଲ ହୋଇଥିଲେ । ସେହି ସମୟରେ ଗ୍ରୀନକାର୍ଡଧାରୀଙ୍କୁ ସରକାରଙ୍କ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ପ୍ରୋତ୍ସାହନ ସ୍ବରୂପ ଗୃହ ନିର୍ମାଣ ପାଇଁ 10 ଡିସମିଲ ଘରବାରି କିଶମ ଜମି ଯୋଗାଇ ଦିଆଯାଇଥିଲା । ହେଲେ ଗ୍ରୀନକାର୍ଡ ଧାରୀଙ୍କ ପାଇଁ ଉଦ୍ଧିଷ୍ଟ ଥିବା ରେକର୍ଡ ଜମିକୁ ଅଞ୍ଚଳର ଜଣେ ପ୍ରଭାବଶାଳୀ ଲୋକ ଜବରଦଖଲ କରି ନେଇଛନ୍ତି ।