କଟକ:କୋରୋନା ମହାମାରୀକୁ ମୂଳପୋଛ କରିବା ପାଇଁ ବର୍ତ୍ତମାନ ପର୍ଯ୍ୟନ୍ତ କୌଣସି ଟୀକା ବାହାରିନାହିଁ । କିନ୍ତୁ ପ୍ଲାଜମା ଥେରାପି ମାଧ୍ୟମରେ କୋରୋନା ରୋଗୀ ସୁସ୍ଥ ହେଉଛନ୍ତି । ତେବେ ଜିଲ୍ଲାରେ ପ୍ଲାଜମା ଦାନ କରୁଥିବା ଅଗ୍ନିଶମ କର୍ମଚାରୀଙ୍କୁ ଗୃହ ମନ୍ତ୍ରୀ ଦିବ୍ୟ ଶଙ୍କର ମିଶ୍ର କୃତଜ୍ଞତା ଜଣାଇଥିବା ସୂଚନା ମିଳିଛି ।
ପ୍ଲାଜମା ଦାନ ପାଇଁ ଅଗ୍ନିଶମ ବିଭାଗକୁ କୃତଜ୍ଞତା ଜଣାଇଲେ ରାଜ୍ୟ ଗୃହମନ୍ତ୍ରୀ
ଗତ ମାର୍ଚ୍ଚ ମାସ ଠାରୁ ରାଜ୍ୟରେ କୋରୋନା ତାଣ୍ଡବ ରଚି ଚାଲିଛି । ଏହି ମହାମାରୀରେ ଆକ୍ରାନ୍ତ ହୋଇ ଧନୀଶ୍ରେଣୀ, ମାନ୍ୟଗଣ୍ୟ ଲୋକଙ୍କ ଠାରୁ ଆରମ୍ଭ କରି ବହୁ ଲୋକଙ୍କ ମୁଣ୍ଡ ଗଡିଲାଣି । ତେବେ ଆମ ଦେଶ ସମେତ ବିଶ୍ବର ଅନେକ ଅଗ୍ରଣୀ ଦେଶଗୁଡିକ କୋରୋନା ମହାମାରୀକୁ ସଂପୂର୍ଣ୍ଣ ଭାବେ ବିଲୀନ କରିବା ପାଇଁ ଟିକା ପ୍ରସ୍ତୁତ କରି ଚାଲିଛନ୍ତି । କିନ୍ତୁ ବର୍ତ୍ତମାନ ସବୁ ପ୍ରର୍ଯ୍ୟାୟରେ ଉତ୍ତୀର୍ଣ୍ଣ ହୋଇ ଏକ ସଫଳ ଟିକା ବାହାରି ପାରିନାହିଁ । ତଥାପି ଡାକ୍ତରମାନେ ବିଭିନ୍ନ ଉପାୟ ଅବଲମ୍ବନ କରି କୋରୋନା ଆକ୍ରାନ୍ତଙ୍କୁ ସୁସ୍ଥ କରିବାରେ ଲାଗିଛନ୍ତି ।