ବୌଦ୍ଧ: ପଞ୍ଚାୟତ କାର୍ଯ୍ୟାଳୟ ଚଳାଉଛନ୍ତି କାର୍ଯ୍ୟରତ ଶ୍ରମିକ । ବିନା ସରକାରୀ କର୍ମଚାରୀଙ୍କ ଉପସ୍ଥିତିରେ ଚାଉଳ ବଣ୍ଟନ ଠାରୁ ଆରମ୍ଭ କରି ଅନ୍ୟାନ୍ୟ କାର୍ଯ୍ୟ କରାଯାଉଛି । ଲୋକଙ୍କ ଦୁଃଖ ବୁଝିବାକୁ ପଞ୍ଚାୟତରେ କୌଣସି ସରକାରୀ ବାବୁ ନଥିବାରୁ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ ହୋଇଛି । ବୌଦ୍ଧ ଜିଲ୍ଲା ହରଭଙ୍ଗା ବ୍ଲକର ସଦର ମହକୁମା ବାଣୀଭୂଷଣପୁର ପଞ୍ଚାୟତରେ ଏଭଳି ଚାଲିଛି ରାସନ ବଣ୍ଟା । ଯାହାକୁ ନେଇ ହିତାଧିକାରୀଙ୍କ ମନରେ ଦେଖାଯାଇଛି ଅସନ୍ତୋଷ ।
ବାଣୀଭୂଷଣପୁର ପଞ୍ଚାୟତରେ ହିତାଧିକାରୀ ଅସନ୍ତୋଷ
ଦୀର୍ଘଦିନରୁ ଏଠାରେ ଏଭଳି ଚାଲି ଆସୁଥିବା ଅଭିଯୋଗ ପାଇବା ପରେ ସ୍ଥିତି ପରଖିବାକୁ ପହଞ୍ଚିଥିଲା ଆମ ଇଟିଭି ଭାରତ । ମାତ୍ର ଆମ ପ୍ରତିନିଧି ପଞ୍ଚାୟତରେ ପହଞ୍ଚିଲା ବେଳକୁ କୌଣସି ସରକାରୀ କର୍ମଚାରୀ ନଥିଲେ । ଏପରିକି ପିଅନ କିମ୍ବା ଜଗୁଆଳି ମଧ୍ୟ ନଥିଲେ । ଆଉ ଶ୍ରମିକଙ୍କ ଦ୍ବାରା ହିତାଧିକାରୀଙ୍କୁ ଚାଲିଥିବା ଚାଉଳ ବଣ୍ଟନ ପ୍ରକ୍ରିୟା ।