ଭଦ୍ରକ: ଜିଲ୍ଲା ମୁଖ୍ୟ ଚିକିତ୍ସାଳୟରେ ଦେଖାଦେଇଛି ଅଭାବନୀୟ ଘଟଣା । ଆମ୍ବୁଲାନ୍ସକୁ ଅପେକ୍ଷା କରି ମେଡିକାଲ ବାରଣ୍ଡାରେ ପ୍ରସବ କଲେ ଜଣେ ପ୍ରସୂତୀ।
ଆମ୍ବୁଲାନ୍ସ ଆସିବାରେ ବିଳମ୍ବ, ସର୍ବସମ୍ମୁଖରେ ମହିଳାଙ୍କ ପ୍ରସବ
ସୂଚନା ଅନୁଯାୟୀ ଭଦ୍ରକ ଜିଲ୍ଲା ତିହିଡି ବ୍ଲକ ଅନ୍ତର୍ଗତ ତଳ ଦୁମୁକା ଗ୍ରାମର ରଞ୍ଜୁଲତା ଖିଲାର ଆଜି ପ୍ରସବ ବେଦନା ଯୋଗୁଁ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଥିଲେ। ହେଲେ ସେଠାରେ ତାଙ୍କର ସ୍ଥିତି ଗୁରୁତର ହେବାରୁ ତାଙ୍କୁ କଟକ ବଡ ମେଡିକାଲ ସ୍ଥାନାନ୍ତର କରିବାକୁ କୁହାଯାଇଥିଲା । ଆମ୍ବୁଲାନ୍ସକୁ ଅପେକ୍ଷା କରି ସେ ମେଡିକାଲ ବାରଣ୍ଡାରେ ବସି ରହିଥିଲେ । କିନ୍ତୁ ଆମ୍ବୁଲାନ୍ସ ଆସିବାରେ ଅହେତୁକ ବିଳମ୍ବ ହୋଇଥିଲା ।