ବରଗଡ: ଜିଲ୍ଲାରେ ଶହୀଦ ହୋଇଥିବା କୋରୋନା ଯୋଦ୍ଧାଙ୍କ ପରିବାରଙ୍କୁ ଆଜି ରାଜ୍ୟ ସରକାରଙ୍କ ତରଫରୁ ଆର୍ଥିକ ସହାୟତା ରାଶି ପ୍ରଦାନ କରାଯାଇଛି । କୋରୋନା ଯୋଦ୍ଧା ଭାବରେ ଶହୀଦ ହୋଇଥିବା PEO ବିମ୍ବାଧର ଭୋଇ ଙ୍କ ସ୍ତ୍ରୀ ବେଳମତି ଭୋଇଙ୍କୁ ଜିଲ୍ଲାପାଳଙ୍କ କାର୍ଯ୍ୟଳୟଠାରେ 50 ଲକ୍ଷ ଟଙ୍କାର ଚେକ ପ୍ରଦାନ କରାଯାଇଛି ।
ବରଗଡ ଜିଲ୍ଲା ବିଜେପୁର ବ୍ଲକ ଅଧିନାରେ PEO ଭାବରେ କାର୍ଯ୍ୟରତ ଥିବା ବିମ୍ବାଧର ଭୋଇ ମହାମାରୀ ସମୟରେ ଜନସେବା କରୁ କରୁ ନିଜେ ମଧ୍ୟ କୋରୋନାରେ ଆକ୍ରାନ୍ତ ହୋଇଥିଲେ । ଏଥିରେ ଗତ ଅଗଷ୍ଟ ମାସ 23 ତାରିଖରେ ସେ ଗୁରୁତର ହୋଇ ବରଗଡ କୋଭିଡ ହସ୍ପିଟାଲରେ ଭର୍ତ୍ତି ହୋଇଥିଲେ । କିନ୍ତୁ ଗତ 24 ତାରିଖରେ କୋରୋନାରେ ତାଙ୍କର ମୃତ୍ୟୁ ହୋଇଛି | ରାଜ୍ୟ ସରକାରଙ୍କ ତରଫରୁ ତାଙ୍କ ସ୍ତ୍ରୀ ବେଳମତି ଭୋଇଙ୍କୁ 50 ଲକ୍ଷ ଟଙ୍କାର ଏକ ଚେକ ବରଗଡ ଅତିରିକ୍ତ ଜିଲ୍ଲାପାଳ ପ୍ରଦାନ କରିଛନ୍ତି ।
ବରଗଡରୁ ରାଜେଶ ସରାପ, ଇଟିଭି ଭାରତ