ବଲାଙ୍ଗୀର: ଦୁଇଟି ପୃଥକ ପୃଥକ ସ୍ଥାନରୁ ଜଣେ ମହିଳା ଓ ଜଣେ ଯୁବକର ମୃତଦେହ ଉଦ୍ଧାର ହୋଇଛି । ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ପୃଥକ ପୃଥକ ସ୍ଥାନରୁ ମହିଳା ଓ ଯୁବକର ଝୁଲନ୍ତା ମୃତ ଦେହ ଉଦ୍ଧାର ଖବରମୁତାବକ ବଲାଙ୍ଗୀର ସଦର ଥାନା ଅନ୍ତର୍ଗତ ଖୁଜେଁପାଲି ଗ୍ରାମ ନିକଟ ଏକ ଗଛରୁ ଜଣେ ଯୁବକର ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର ହୋଇଛି । ତେବେ ମୃତ ଯୁବକ ଜଣକ ବଲାଙ୍ଗୀର ସଲେପାଲିର ପ୍ରଦୀପ ଥାପା ବୋଲି ଜଣା ପଡ଼ିଥିବା ବେଳେ ସେ ଗତକାଲି ଦିନ 12 ଟା ରୁ ନିଖୋଜ ଥିଲେ ।
ସେହିପରି ବଲାଙ୍ଗୀର ବାଗବାଡି ଗ୍ରାମ ନିକଟ ଜଙ୍ଗଲରୁ ଜଣେ ମହିଳାଙ୍କ ଗଛରୁ ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର ହୋଇଛି । ତେବେ ମହିଳା ଜଣକ ଉକ୍ତ ଗ୍ରାମର ଭାନୁ ସାହୁ ବୋଲି ଜଣାପଡିଛି । ତେବେ ଦୁଇ ମୃତ୍ୟୁ ଘଟଣାର କାରଣ ଜଣ ପଡିନଥିବା ବେଳେ ପୋଲିସ ପ୍ରାଥମିକ ତଦନ୍ତରୁ ଆତ୍ମହତ୍ୟା ବୋଲି ସନ୍ଦେହ କରିଛି । ସେହିପରି ଦୁଇ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ଥିବା ବେଳେ ଏ ଦିଗରେ ଅଧିକ ତଦନ୍ତ ଜାରି ରଖିଛି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ,ଇଟିଭି ଭାରତ