ବେଆଇନ ମଦ କାରବାର ଅଭିଯୋଗରେ ବନ୍ଧା ହେଲେ ବ୍ଲକ ଉପାଧ୍ୟକ୍ଷାଙ୍କ ସ୍ଵାମୀ

ବଲାଙ୍ଗୀର ଜିଲ୍ଲା ମୁରୀ ବାହାଲ ବ୍ଲକ ଉପାଧ୍ୟକ୍ଷାଙ୍କ ସ୍ଵାମୀ ଜୟ କିଶନ ବାଗ ବେଆଇନ ମଦ କାରବାର ଅଭିଯୋଗରେ ଗିରଫ । ଅଧିକ ପଢ଼ନ୍ତୁ...

ବଲାଙ୍ଗୀର: ଜିଲ୍ଲାରେ ବେଆଇନ ମଦ କାରବାର ଅଭିଯୋଗରେ ଜଣେ ବ୍ଲକ ଉପାଧ୍ୟକ୍ଷାଙ୍କ ସ୍ଵାମୀ ଗିରଫ ହୋଇଛନ୍ତି । ଜିଲ୍ଲାର ମୁରୀ ବାହାଲ ବ୍ଲକର ଉପାଧ୍ୟକ୍ଷାଙ୍କ ସ୍ଵାମୀ ଜୟ କିଶନ ବାଗ ଏହି ଅଭିଯୋଗରେ ଗିରଫ କରିଛି ପୋଲିସ ।

ସୂଚନା ଅନୁସାରେ ଜୟ କିଶନ ବାଗ ଏକ ସ୍କୁଟିରେ ତାଙ୍କର ଜଣେ ସହଯୋଗୀଙ୍କ ସହ ମଦ ନେଇ ଯାଇଥିଲେ। ଏହି ସମୟରେ ପେଟ୍ରୋଲିଂ କରୁଥିବା ମୁରିବାହଲ ପୋଲିସ ତାଙ୍କୁ ଧରିଥିଲା । ତେବେ ତାଙ୍କ ପାଖରୁ ସାତ ଲିଟର ଦେଶୀ ରନ୍ଧା ମଦ ଜବତ କରିବା ସହ ସ୍କୁଟି ମଧ୍ୟ ଜବତ କରିଛି ପୋଲିସ । ଏହାସହ ଦୁଇ ଅଭିଯୁକ୍ତଙ୍କୁ ଗିରଫ କରି ବୁଧବାର କୋର୍ଟ ଚାଲାଣ କରିଛି ।

ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ