ବଲାଙ୍ଗୀର: 189 ବାଟାଲିୟନ ସିଆରପିଏଫ୍ ଜିଲ୍ଲାରେ ଆୟୁର୍ବେଦିକ ଔଷଧୀୟ ବଗିଚା ସ୍ଥାପନ କରିଛି । ଯେଉଁଥିରେ ସାରା ଭାରତର ଔଷଧୀୟ ଗୁଳ୍ମ ଓ ଗଛ ରୋପଣ ହୋଇଛି । ଏହା ଆଗକୁ ସମସ୍ତଙ୍କ ପାଇଁ ସହାୟକ ହେବ ବୋଲି କୁହାଯାଇଛି ।
ଆୟୁର୍ବେଦିକ ଔଷଧୀୟ ବଗିଚା ସ୍ଥାପନ କଲା ବଲାଙ୍ଗୀର CRPF
ଦିଲ୍ଲୀ ଓ ଭୁବନେଶ୍ୱର ସିଆରପିଏଫ ନିର୍ଦ୍ଦେଶରେ ବଲାଙ୍ଗୀର ସିଆରପିଏଫ୍ କମାଣ୍ଡାଣ୍ଟ ପୱନ୍ କୁମାର ତିୱାରୀଙ୍କ ତତ୍ତ୍ବାବଧାନରେ ଏହି ଔଷଧୀୟ ବଗିଚା ବଲାଙ୍ଗୀର ଶାନ୍ତିପଡ଼ା ଠାରେ ସ୍ଥାପନ କରାଯାଇଛି । ଯେଉଁଥିରେ ସାରା ଭାରତରେ ମିଳୁଥିବା ଔଷଧୀୟ ବୃକ୍ଷ ଗୁଳ୍ମ ସବୁ ରୋପଣ କରାଯାଇଛି । କିଛି ବିରଳ ପ୍ରଜାତିର ଔଷଧୀୟ ବୃକ୍ଷ ମଧ୍ୟ ସାମିଲ ରହିଛି । ତେବେ ବଲାଙ୍ଗୀରରେ ଆୟୁର୍ବେଦିକ କଲେଜ ଥିବାବେଳେ ଓଡ଼ିଶାର ବହୁ ଛାତ୍ରଛାତ୍ରୀ ଏଠାରେ ଅଧ୍ୟୟନ କରୁଛନ୍ତି ।