ଅନୁଗୋଳ : ଜିଲ୍ଲାର ନାଲକୋ ନଗର ଠାରେ ରାଜ୍ୟ ସ୍ତରୀୟ ଖଦି ବଜାର ଏବଂ ପ୍ରଦର୍ଶନୀ ଆରମ୍ଭ ହୋଇଛି। ଏହି ପ୍ରଦର୍ଶନୀ ଆସନ୍ତା ୧୯ତାରିଖ ପର୍ଯ୍ୟନ୍ତ ଚାଲିବ। ଏହାର ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ନାଲକୋ ନିର୍ବାହୀ ନିର୍ଦ୍ଦେଶକ ଅମ୍ବିକା ପ୍ରସାଦ ପଣ୍ଡା ଏବଂ କେନ୍ଦ୍ରୀୟ ଖଦି ଓ ଗ୍ରାମୀଣ ଶିଳ୍ପ କମିଶନର ନିର୍ଦ୍ଦେଶକ ସମୀର କୁମାର ମହାନ୍ତି ଅନ୍ୟତମ ଅତିଥି ଭାବେ ଯୋଗ ଦେଇଥିଲେ।
ନାଲକୋ ନଗରରେ ରାଜ୍ୟସ୍ତରୀୟ ଖଦି ମେଳା : ହସ୍ତଶିଳ୍ପୀଙ୍କୁ ରୋଜଗାର ଯୋଗାଇବା ଲକ୍ଷ
କୋରୋନା କଟକଣା ଯୋଗୁ ଦୀର୍ଘ ପ୍ରାୟ ଦୁଇ ବର୍ଷ ହେଲା କୌଣସି ମେଳା ଓ ପ୍ରଦର୍ଶନୀ ହୋଇ ପାରି ନଥିଲା । ଫଳରେ ହସ୍ତତନ୍ତ ଓ ଗ୍ରାମୀଣ କାରିଗର ମାନେ ରୋଜଗାର ହରାଇ ଘରେ ବସି ରହିଥିଲେ । ହେଲେ ବର୍ତ୍ତମାନ ସବୁକିଛି ସ୍ୱାଭାବିକ ହେବା ପରେ କାରିଗର ମାନଙ୍କ ରୋଜଗାର ବଢାଇବା ଲକ୍ଷ୍ୟରେ କେନ୍ଦ୍ରୀୟ ଖଦି ଏବଂ ଗ୍ରାମୀଣ ଶିଳ୍ପ କମିଶନ ତରଫରୁ ଏଭଳି ପ୍ରଦର୍ଶନୀ ଆୟୋଜିତ କରାଯାଇଛି । ନାଲକୋ ପକ୍ଷରୁ ଏଥିପାଇଁ ସମସ୍ତ ପ୍ରକାର ସହାୟତା ଯୋଗାଇ ଦିଆଯାଇଛି ।