ନୂଆଦିଲ୍ଲୀ:ପାର୍ଲାମେଣ୍ଟର ଉଭୟ ଗୃହ ସୋମବାର ଅଲମ୍ପିକ ରୌପ୍ୟ ପଦକ ବିଜୟିନୀ ସୈଖୋମ ମୀରାବାଇ ଚାନୁଙ୍କୁ ଅଭିନନ୍ଦନ ଜଣାଇଛି । ମୀରାବାଇଙ୍କ ଦମଦାର ପ୍ରଦର୍ଶନକୁ ପ୍ରଶଂସା କରିଛନ୍ତି ପାର୍ଲାମେଣ୍ଟ ସଦସ୍ୟ । ଭାରତୀୟ ଭାରୋତ୍ତୋଳନକାରୀ ମୀରାବାଇ ଚାନୁ ଟୋକିଓ ଅଲମ୍ପିକର ମହିଳା ଭାରୋତ୍ତୋଳନ 49 କିଲୋଗ୍ରାମ ବର୍ଗରେ ଐତିହାସିକ ପ୍ରଦର୍ଶନ ସହ ରୌପ୍ୟ ପଦକ ହାତେଇଛନ୍ତି ।
ଖୁସିର ସହିତ ଲୋକସଭା ବାଚସ୍ପତି ଓମ ବିର୍ଲା ଗୃହର ସମସ୍ତ ସଦସ୍ୟଙ୍କ ଉଦ୍ଦେଶ୍ୟରେ ଟୋକିଓ ଅଲମ୍ପିକରେ ମୀରାବାଇ ଚାନୁ ରୌପ୍ୟ ପଦକ ଜିତିଥିବା ଘୋଷଣା କରିଥିଲେ । ଏଥିସହ ଲୋକସଭା ପକ୍ଷରୁ ଅଭିନନ୍ଦନ ଜଣାଇଥିଲେ । ଅନ୍ୟ ଆଥଲେଟ୍ ମଧ୍ୟ ସେମାନଙ୍କର ଖେଳରେ ଭଲ ପ୍ରଦର୍ଶନ କରି ଦେଶକୁ ଗର୍ବିତ କରିବେ ବୋଲି ବିଶ୍ବାସ ରହିଥିବା ବାଚସ୍ପତି କହିଥିଲେ ।