ଆମଷ୍ଟେଲଭିନ: ଜୁଲାଇ ପହିଲାରୁ ଅନ୍ତର୍ଜାତୀୟ ହକି ଫେଡେରେସନ (ଏଫଆଇଏଚ) ମହିଳା ହକି ବିଶ୍ବକପର 15 ତମ ସଂସ୍କରଣ ସ୍ପେନ ଓ ନେଦରଲାଣ୍ଡସନରେ ଆରମ୍ଭ ହୋଇଯାଇଛି । ଆଜି (ରବିବାର) ଭାରତ ଇଂଲଣ୍ଡ ବିପକ୍ଷରେ ତାର ଅଭିଯାନ ଆରମ୍ଭ କରିବ । ବିଜୟରୁ ଅଭିଯାନ ଆରମ୍ଭ କରିବାକୁ ଲକ୍ଷ୍ୟ ରଖିଛି ଭାରତୀୟ ମହିଳା ହକି ଦଳ ।
ସିଧାସଳଖ କ୍ବାର୍ଟର ଫାଇନାଲ ଖେଳିବାକୁ ହେଲେ ଭାରତକୁ ପୁଲ (ବି)ର ସମସ୍ତ ମ୍ୟାଚରେ ଭଲ ପ୍ରଦର୍ଶନ କରିବାକୁ ପଡିବ । ବିଶ୍ବ ମାନ୍ୟତାରେ ଭାରତ ନବନ ସ୍ଥାନରେ ରହିଥିବା ବେଳେ ଇଂଲଣ୍ଡ ପଞ୍ଚମ ସ୍ଥାନରେ ରହିଛି । ଟୋକିଓ ଅଲମ୍ପିକ୍ସରେ ଭାରତ ଓ ଇଂଲଣ୍ଡ ମଧ୍ୟରେ ଏକ କଡା ମୁକାବିଲା ହୋଇଥିଲା । ଏଥିରେ ଭାରତ 3-4 ଗୋଲରେ ପରାସ୍ତ ହୋଇ ଅଳ୍ପକେ ପଦକୁ ବଞ୍ଚିତ ହୋଇଥିଲା । ବିଶ୍ବକପରେ ଭାରତ ପୂର୍ବ ପରାଜୟର ପ୍ରତିଶୋଧ ନେବାକୁ ଲକ୍ଷ୍ୟ ରଖିଛି ।