ନୂଆଦିଲ୍ଲୀ: 19 ଏସୀୟ କ୍ରୀଡାରେ ଭାରତକୁ ଆଉ ଏକ ପଦକ ମିଳିଛି । ପଦକ ପରେ ପଦକ ଭେଟି ଦେଇ ଚାଲିଛନ୍ତି ଭାରତୀୟ କ୍ରୀଡ଼ାବିତ । ଏସୀୟ କ୍ରୀଡା ଚତୁର୍ଥ ଦିନରେ ବୋଟ ସେଲିଂ ବା ପୋତଚାଳନାରେ 2ଟି ପଦକ ମିଳିଛି । ମହିଳା ବୋଟ ସେଲିଂରେ ନେହା ଠାକୁର ରୌପ୍ୟ ପଦକ ଜିତିଥିବା ବେଳେ ପୁରୁଷ ବର୍ଗରେ ଇବାଦ ଅଲ୍ଲୀ କାଂସ୍ୟ ମେଡାଲ ଜିତିଛନ୍ତି । ଚତୁର୍ଥ ଦିନରେ ଭାରତ ଆଉ 2 ପଦକ ହାସଲ କରିଛି ଏହାକୁ ମିଶାଇ ଭାରତର ପଦକ ସଂଖ୍ୟା 13ରେ ପହଞ୍ଚିଛି ।
ଏହା ବି ପଢନ୍ତୁ...Asian Games: ଭାରତୀୟ ମହିଳା କ୍ରିକେଟ ଟିମକୁ ସ୍ୱର୍ଣ୍ଣ, ଛୁଟିଲା ଶୁଭେଚ୍ଛା
ଆଜି ଗୋଟିଏ ଦିନରେ ଭାରତକୁ ବୋଟ ସେଲିଂରେ ଦୁଇଟ ପଦକ ମିଳିଛି । ମହିଳା ବର୍ଗରେ ନେହା ଠାକୁର ରୌପ୍ୟ ପଦକ ଜିତିଛନ୍ତି । ସେହପରି ପୁରୁଷ ବୋଟ ସେଲିଂରେ ଇବାଦ ଅଲ୍ଲୀ ବ୍ରୋଞ୍ଜ ପଦକ ହାସଲ କରିଛନ୍ତି । ଇବାଦ ଆରଏସ ଏକ୍ସ ପୁରୁଷ କାଟାଗୋରୀରେ ତାଙ୍କ ଦକ୍ଷତା ଦେଖାଇଥିଲେ । ତୃତୀୟ ସ୍ଥାନରେ ରହି କାଂସ୍ୟ ପଦକ ଜିତିଛନ୍ତି । ସେହିପରି ମହିଳା କାଟାଗୋରୀ ଆଇଏଲସିଏଲ 4ରେ 11 ଥର ରେସ୍ ପରେ ରୌପ୍ୟ ପଦକ ଜିତିଥିଲେ 17 ବର୍ଷୀୟ ନେହା । ସେଲିଂରେ ଭାରତର ଏହା ପ୍ରଥମ ପଦକ । ନେହା ଓ ଇବାଦଙ୍କୁ ଏହି ସଫଳତା ପରେ ଶଭେଚ୍ଛାର ସୁଅ ଛୁଟିିଛି ।