ଅହମ୍ମଦାବାଦ:ଦିଲ୍ଲୀ କ୍ୟାପିଟାଲ୍ସ ଚଳିତ ଇଣ୍ଡିଆନ ପ୍ରିମିୟର ଲିଗ୍ ପଏଣ୍ଟ ଟେବୁଲର ଦ୍ବିତୀୟ ସ୍ଥାନକୁ ଉନ୍ନୀତ ହୋଇଛି । ଗୁରୁବାର ସନ୍ଧ୍ୟାରେ ନରେନ୍ଦ୍ର ମୋଦି ଷ୍ଟାଡିୟମରେ କୋଲକାତା ନାଇଟ ରାଇଡର୍ସ ବିପକ୍ଷରେ 7 ୱିକେଟରେ ବିଜୟ ମିଳିବା ପରେ ଦ୍ବିତୀୟ ସ୍ଥାନକୁ ଲମ୍ଫମାରିଛି ଦିଲ୍ଲୀ ।
ଏହି ବିଜୟ ଫଳରେ ଦିଲ୍ଲୀର ପଏଣ୍ଟ ସଂଖ୍ୟା 10ରେ ପହଞ୍ଚିଛି । ପ୍ରଥମ ସ୍ଥାନରେ ଥିବା ଚେନ୍ନାଇ ସୁପର କିଙ୍ଗ୍ସ ଓ ତୃତୀୟ ସ୍ଥାନରେ ଥିବା ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମଧ୍ୟ ସମାନ 10 ପଏଣ୍ଟ ରହିଛି । ତେବେ ଦିଲ୍ଲୀର ନେଟ୍ ରନ୍ ରେଟ +0.4666 ରହିଛି, ଯାହାକି ଆରସିବିର +.089 ଠାରୁ ଅଧିକ କିନ୍ତୁ ସିଏସକେର +1.475 ଠାରୁ କମ୍ । ତେବେ ଏପ୍ରିଲ 30 ଅର୍ଥାତ(ଶୁକ୍ରବାର) ସନ୍ଧ୍ୟାରେ ପଞ୍ଜାବ କିଙ୍ଗସ ସହ ଆରସିବିର ମୁକାବିଲା ରହିଛି । ଆରସିବି ବିଜୟୀ ହୋଇପାରିଲେ ଶୀର୍ଷ ସ୍ଥାନକୁ ଫେରିବ ।