କଟକ: ଓସିଏ ନିର୍ବାଚନରେ ଲାଗିଲା ଆଦର୍ଶ ଆଚରଣ ବିଧି । ଆସନ୍ତା 27ରେ ନିର୍ବାଚନ ଥିବାରୁ ଆଜି(ରବିବାର)ଠୁ ଲାଗିଲା ଆଚରଣ ବିଧି । ଏହି ପ୍ରକ୍ରିୟାରେ ରହିଛି ଅନେକ ନିୟମ । ଭୋଟର ମାନଙ୍କ ଠାରୁ ଆରମ୍ଭ କରି ପ୍ରାର୍ଥୀଙ୍କ ପର୍ଯ୍ୟନ୍ତ । ସମସ୍ତଙ୍କ ପାଇଁ ରହିଛି କଡା ନିୟମ । ଯାହା ଆଜିଠୁ ଲାଗୁ କରାଯାଇଛି । ଅନ୍ୟପଟେ ଚୁଡାନ୍ତ ଭୋଟର ତାଲିକା ମଧ୍ୟ ଆଜି ପ୍ରକାଶ ପାଇଛି ।
ନିର୍ବାଚନୀ ପ୍ରଚାର କେଉଁ ଢଙ୍ଗରେ କରାଯିବ ପ୍ରାର୍ଥୀ କେଉଁ ପ୍ରକ୍ରିୟାରେ ଭୋଟର ମାନଙ୍କୁ ଭୋଟ ଭିକ୍ଷା କରିବ । ଏଥିରେ ସ୍ପଷ୍ଟ ଉଲେଖ କରାଯାଇଛି । ବିଶେଷକରି ପ୍ରାର୍ଥୀମାନେ ସ୍ୱଚ୍ଛତା ଉପରେ ଗୁରୁତ୍ୱ ଦେବା ଦରକାର । ଭୋଟରମାନଙ୍କୁ ଟଙ୍କା ଯାଚିବା ଉପରେ ରୋକ । ପାର୍ଥି ଅଯଥା ଟଙ୍କା ଖର୍ଚ୍ଚ ନକରିବା, ଭୋଟରଙ୍କ ଉପରେ ଚାପ ନ ପକାଇବା, ଓସିଏ ସମ୍ମାନ ପ୍ରତି ଦୃଷ୍ଟି ରଖିବେ, ପ୍ରତିପକ୍ଷ ପ୍ରାର୍ଥୀଙ୍କ ସମ୍ମାନ ହାନି କରିବାର କୌଣସି ଆଚରଣ କିମ୍ବା ଲିଖିତ ଅଭିଯୋଗ କରିବେ ନାହିଁ, ଜାତି ଗୋଷ୍ଟି ବିବାଦକୁ ବରଦାସ୍ତ କରାଯିବନି ଇତ୍ୟାଦିକୁ ନେଇ ଓସିଏ ଆଚରଣ ବିଧି ଲାଗୁ ହୋଇଛି ।