ନୂଆଦିଲ୍ଲୀ: ରାଜସ୍ଥାନ ହାଇକୋର୍ଟରୁ ବଲିଉଡ ସୁପରଷ୍ଟାର ସଲମାନ ଖାନଙ୍କ ପାଇଁ ଆଶ୍ବସ୍ତିକର ଖବର ଆସିଛି । ସଲମାନ ଖାନଙ୍କ ଦ୍ୱାରା ଦାଖଲ ହୋଇଥିବା ଆବେଦନକୁ ହାଇକୋର୍ଟ ଗ୍ରହଣ କରିଛନ୍ତି । କୃଷ୍ଣକାୟ ମୃଗ ଶିକାର ମାମଲାରେ ବର୍ତ୍ତମାନ ବମ୍ବେ ହାଇକୋର୍ଟରେ ସମସ୍ତ ମାମଲାର ଶୁଣାଣି ହେବ । ଫଳରେ ରାଜସ୍ଥାନ ହାଇକୋର୍ଟରେ ସଲମାନ ଖାନଙ୍କୁ ବାରମ୍ବାର ହାଜର ହେବାକୁ ପଡିବ ନାହିଁ।
ଶୁଣାଣି ସମୟରେ ସଲମାନଙ୍କ ଭଉଣୀ ଅଲବୀରା ଥିଲେ ଉପସ୍ଥିତ
ସଲମାନ ଖାନଙ୍କ ଓକିଲ ସୋମବାର ହାଇକୋର୍ଟରେ ତାଙ୍କର ସମ୍ପୂର୍ଣ୍ଣ ପକ୍ଷ ଉପସ୍ଥାପନ କରିଛନ୍ତି। ଏହା ପରେ କୋର୍ଟ ଏହାର ନିଷ୍ପତ୍ତି ନେଇଛନ୍ତି। ଏହି ଶୁଣାଣି ସମୟରେ ସଲମାନ ଖାନଙ୍କ ଭଉଣୀ ଅଲବୀରା କୋର୍ଟ ପରିସରରେ ଉପସ୍ଥିତ ଥିଲେ । ୧୮ ବର୍ଷ ତଳର ଏହି ମାମଲା ।
କୃଷ୍ଣକାୟ ମୃଗ ଶିକାର ମାମଲା କ’ଣ
ସେପ୍ଟେମ୍ବର 1998 ରେ ରାଜସ୍ଥାନର ଯୋଧପୁରରେ ସଲମାନ ଖାନ ଫିଲ୍ମ 'ହମ ସାଥ ସାଥ ହୈ'ର ସୁଟିଂ କରୁଥିଲେ। ଏହି ସମୟ ମଧ୍ୟରେ ସେ ଫିଲ୍ମରେ ସହାୟକ ଅଭିନେତା ସୈଫ ଅଲି ଖାନ, ସୋନାଲି ବେନ୍ଦ୍ରେ, ତବୁ ଏବଂ ନୀଲମଙ୍କ ସହ ଶିକାର କରିବାକୁ ଯାଇଥିଲେ। ଅଭିଯୋଗ ହୋଇଛି ଯେ ସେ ସେଠାରେ ସଂରକ୍ଷିତ କୃଷ୍ଣକାୟ ମୃଗ ଶିକାର କରିଥିଲେ । 27, 28 ସେପ୍ଟେମ୍ବର, 01 ଅକ୍ଟୋବର ଏବଂ 02 ଅକ୍ଟୋବରରେ ଏହି ଶିକାର ହୋଇଥିଲା । ସାଥୀ କଳାକାରମାନେ ସଲମାନଙ୍କୁ ଶିକାର ପାଇଁ ଉତ୍ତେଜିତ କରିଥିବା ଅଭିଯୋଗ ହୋଇଥିଲା । ଏହା ପରେ ସଲମାନ ଖାନଙ୍କୁ ଗିରଫ କରାଯାଇଥିଲା । ଏହି ମାମଲାରେ ସଲମାନ ଖାନଙ୍କ ବ୍ୟତୀତ ଅନ୍ୟ ସମସ୍ତ ଅଭିଯୁକ୍ତ କୋର୍ଟ ଦ୍ୱାରା ନିର୍ଦ୍ଦୋଷରେ ଖଲାସ ହୋଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
