ମୁମ୍ବାଇ: ବିବାହ ପ୍ରସ୍ତୁତି ଆରମ୍ଭ କରିଦେଇଛନ୍ତି ଲୋକପ୍ରିୟ ଗାୟିକା ନେହା କକ୍କର । ଶନିବାର ପଞ୍ଜାବୀ ସିଙ୍ଗର ରୋହନ ପ୍ରୀତ ସିଂଙ୍କ ସହ ବିବାହ କରିବେ ସେ । ଯାହାକୁ ନେଇ ଦୀର୍ଘ ସମୟରୁ ଚର୍ଚ୍ଚା । ନିକଟରେ ଦୁଇଜଣଙ୍କ ପ୍ରଥମ ମ୍ୟୁଜିକ ଭିଡିଓ ‘ନେହୁ ଦା ବିହା’ ରିଲିଜ ହୋଇଥିଲା । ହେଲେ ଏବେ ରୋହନଙ୍କ ନାମରେ ହାତରେ ମେହେନ୍ଦୀ ଲଗାଇଛନ୍ତି ନେହା। ଯାହାର ଫଟୋ ସୋସିଆଲ ମିଡିଆରେ ଘୁରିବୁଲୁଛି ।
ଦିଲ୍ଲୀର ଫେମସ ରାଜୁ ମେହନ୍ଦୀ ଟିମ ନେହାଙ୍କ ହାତରେ ବିବାହ ମେହେନ୍ଦୀ ଲଗାଇଛନ୍ତି । ଆଉ ଇନଷ୍ଟାଗ୍ରାମରେ ତାଙ୍କର ଫଟୋ ସେୟାର କରି ଲେଖାଯାଇଛି, ‘ନେହାଙ୍କ ପରି ଶାନଦାର ଗାୟିକାଙ୍କ ହାତରେ ବ୍ରାଇଡଲ ମେହେନ୍ଦୀ ଲଗାଇବା ଆମ ପାଇଁ ଗର୍ବର କଥା।’