ମୁମ୍ବାଇ:ଭାରତର ସ୍ବାଧୀନତାକୁ ନେଇ ବିବାଦୀୟ ମନ୍ତବ୍ୟ ଦେଇଛନ୍ତି ବଲିଉଡ଼ ଅଭିନେତ୍ରୀ କଙ୍ଗନା ରଣାୱତ । ଏହା ଉପରେ ଶନିବାର ମତ ରଖିଛନ୍ତି ମ୍ୟୁଜିକ କମ୍ପୋଜର ବିଶାଲ ଦଦଲାନି । ସେ ଶହୀଦ ଭଗତ ସିଂଙ୍କ ଫଟୋଚିତ୍ର ଥିବା ଏକ ଟି-ସାର୍ଟ ପିନ୍ଧି ସୋସିଆଲ ମିଡ଼ିଆରେ କଙ୍ଗନାଙ୍କ ମନ୍ତବ୍ୟ ବିରୋଧରେ ପ୍ରତିକ୍ରିୟା ରଖିଛନ୍ତି ।
ଏହା ବି ପଢନ୍ତୁ: ପଦ୍ମଶ୍ରୀ ଫେରାଇ ଦେବାକୁ କହିଲେ କଙ୍ଗନା !
ଗତ ଗୁରୁବାର କଙ୍ଗନା କହିଥିଲେ ଯେ ୨୦୧୪ ମସିହାରେ ଭାରତକୁ ପ୍ରକୃତ ସ୍ବାଧୀନତା ମିଳିଛି । ମୋଦି ସରକାର କ୍ଷମତାକୁ ଆସିବା ପରେ ଏହି ସ୍ବାଧୀନତା ମିଳିଥିବା ବେଳେ ୧୯୪୭ ମସିହା ସ୍ବାଧୀନତା, ଭିକ ଥିଲା ବୋଲି ସେ କହିଥିଲେ । ବିଶାଲ କଙ୍ଗନାଙ୍କ ଏହି ବିବାଦୀୟ ମନ୍ତବ୍ୟ ଉପରେ ପ୍ରତିକ୍ରିୟା ରଖି ନିଜ ଇନଷ୍ଟାଗ୍ରାମ ହ୍ୟାଣ୍ଡେଲ ମାଧ୍ୟମରେ କହିଛନ୍ତି ଯେ, "ମୋ ସାର୍ଟରେ ଥିବା ବ୍ୟକ୍ତି ଜଣକ ହେଉଛନ୍ତି ଶହୀଦ ଭଗତ ସିଂ ଯିଏକି ଏକା ଧାରାରେ ଜଣେ କବି, ସ୍ବାଧୀନତା ସଂଗ୍ରାମୀ, ଭାରତ ମାତାର ଯୋଗ୍ୟ ସନ୍ତାନ ଓ ଜଣେ ଚାଷୀର ପୁତ୍ର ଥିଲେ । ସେ ଦେଶର ସ୍ବାଧୀନତା ପାଇଁ ମାତ୍ର ୨୩ ବର୍ଷ ବୟସରେ ନିଜ ଜୀବନର ବଳିଦାନ ଦେଇଥିଲେ ଏବଂ ଦେଶାତ୍ମବୋଧକ ସଂଗୀତ ଗାଇ ହସି ହସି ପ୍ରାଣ ତ୍ୟାଗ କରିଥିଲେ । " ଏ ସମ୍ପର୍କରେ କଙ୍ଗନାଙ୍କୁ ସେ ମନେ ପକାଇ ଦେବାକୁ ଚାହାନ୍ତି ବୋଲି କହିଛନ୍ତି ।