ମୁମ୍ବାଇ: ୟୁପିର ହାଥରସରେ ଗଣଦୁଷ୍କର୍ମର ଶିକାର ହୋଇଥିବା 19 ବର୍ଷୀୟ ପୀଡିତାର ଆଜି ଦିଲ୍ଲୀର ଏକ ଡାକ୍ତରଖାନାରେ ମୃତ୍ୟୁ ଘଟିଛି । ସେପ୍ଟେମ୍ବର 14 ରେ ଚାରି ଜଣ ତାଙ୍କୁ ଗଣଦୁଷ୍କର୍ମ କରିଥିବା ଅଭିଯୋଗ ହୋଇଥିଲା । 15 ଦିନ ଧରି ଜୀବନ ଏବଂ ମୃତ୍ୟୁ ସଂଗ୍ରାମ ମଧ୍ୟରେ ପୀଡିତାଙ୍କ ଆଜି ଦିଲ୍ଲୀର ସଫଦରଜଙ୍ଗ ହସ୍ପିଟାଲରେ ମୃତ୍ୟୁ ଘଟିଛି ।
ଏହି ଘଟଣାରେ ବଲିଉଡ ତାରକାମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଛନ୍ତି । ଅଭିନେତ୍ରୀ କଙ୍ଗନା, ସ୍ବରା ଏବଂ ରିଚାଙ୍କ ସମେତ ଅନେକ ସେଲିବ୍ରିଟି ଏହି ଘଟଣାକୁ ତୀବ୍ର ନିନ୍ଦା କରିବା ସହ ଅଭିଯୁକ୍ତଙ୍କ କଠୋର ଦଣ୍ଡ ଦାବି କରିଛନ୍ତି ।
କଙ୍ଗନା ଟ୍ବିଟ୍ କରି କହିଛନ୍ତି, 'ଏହି ଦୁଷ୍କର୍ମକାରୀଙ୍କୁ ସର୍ବସାଧାରଣରେ ଗୁଳି କରାଯିବା ଉଚିତ୍, ଝିଅମାନେ ଏହି ଦେଶରେ କେବେ ସୁରକ୍ଷିତ ରହିବେ? ଲଜ୍ଜାଜନକ ।
ଅଭିନେତା ଅକ୍ଷୟ କୁମାର ଟ୍ବିଟ୍ କରି କହିଛନ୍ତି, କ୍ରୋଧିତ ଏବଂ ନିରାଶ । ହ୍ୟାସଟ୍ୟାଗ ଗ୍ୟାଙ୍ଗରେପ୍ । ଏହା କେବେ ବନ୍ଦ ହେବ? ଅପରାଧୀଙ୍କୁ ଫାଶୀ ଦିଅନ୍ତୁ । ଝିଅ ଏବଂ ଭଉଣୀଙ୍କୁ ସୁରକ୍ଷା ଦେବା ପାଇଁ ସ୍ବର ଉତ୍ତୋଳନ କରନ୍ତୁ ।