ହାଇଦ୍ରାବାଦ: ବଲିଉଡ ଅଭିନେତ୍ରୀ ବିପାଶା ବସୁଙ୍କର ଆଜି ଜନ୍ମଦିନ । ୧୯୭୯ ମସିହା ଜାନୁଆରୀ ୭ ତାରିଖରେ ନୂଆଦିଲ୍ଲୀରେ ଜନ୍ମଗ୍ରହଣ କରିଥିବା ବିପାଶା ୪୨ତମ ଜନ୍ମଦିନ ପାଳନ କରୁଛନ୍ତି । ଏହି ଅବସରରେ ବିପାଶାଙ୍କ ସ୍ବାମୀ ତଥା ଅଭିନେତା କରଣ ସିଂହ ଗ୍ରୋଭର ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ବିପାଶା ନିଜ ଜନ୍ମଦିନ ପାଇଁ ଏକ ଖାସ୍ ପ୍ଲାନ କରିଥିଲେ । ମାତ୍ର କୋରୋନା ଯୋଗୁ ସବୁ ଫସର ଫାଟିଗଲା ବୋଲି ବିପାଶା କହିଛନ୍ତି ।
ବିପାଶା ବାର୍ଥ ଡେ' ସେଲିବ୍ରେସନର କିଛି ଝଲକ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ଯେଉଁଥିରେ ବିପାଶା ସ୍ବାମୀ କରଣ ସିଂହ ଗ୍ରୋଭରଙ୍କ ସହ ଫୁଲ୍ ମସ୍ତି ଏବଂ କେକ୍ କାଟୁଥିବାର ନଜର ଆସିଛି ।