ଲଣ୍ଡନ: ଆମେରିକାର #blackmatterliveକୁ ସମର୍ଥନ କରି ଲଣ୍ଡନରେ ବିକ୍ଷୋଭ ପ୍ରଦର୍ଶନ । ଜାତିଆଣ ବିରୋଧରେ ପ୍ରଦର୍ଶନ କରି ଲଣ୍ଡନରେ 100 ଜଣଙ୍କୁ ଗିରଫ କରାଯାଇଛି। କୋରୋନା କଟକଣାକୁ ଉଲ୍ଲଙ୍ଘନ କରି ହଜାର ହଜାର ସଂଖ୍ୟକ ଲୋକେ ରାଜଧାନୀର ସଂସଦ ଛକ ଏବଂ ଆଖପାଖରେ ଆନ୍ଦୋଳନ କରିଥିଲେ ।
ମହାନଗର ନିଗମ ପୋଲିସ ଅଧିକାରୀ କହିଛନ୍ତି, ଏଥିପାଇଁ "ପ୍ରମୁଖ" ପୋଲିସ୍ ଅପରେସନ୍ ଆବଶ୍ୟକ ରହିଛି । କାରଣ ଆନ୍ଦୋଳନକାରୀମାନେ ପୋଲିସ ଅଧିକାରୀଙ୍କ ଉପରକୁ ଆକ୍ରମଣ କରିଥିଲେ ।
ଟେଲିଭିଜନ ଫୁଟେଜରେ ଦର୍ଶାଯାଇଛି ଯେ, କିଛି ଆନ୍ଦୋଳନକାରୀ ଅଧିକାରୀଙ୍କ ଉପରକୁ ବୋତଲ ଏବଂ ଧୂଆଁ ବୋମା ଫିଙ୍ଗିବା ସହିତ ଗାଳିଗୁଲଜ କରିଥିଲେ ।
ପ୍ରଧାନମନ୍ତ୍ରୀ ବୋରିସ୍ ଜନସନ କହିଛନ୍ତି ଯେ, ଆମ ଦେଶରେ ଜାତିଆଣର କୌଣସି ସ୍ଥାନ ନାହିଁ ଏବଂ ପୋଲିସ୍ ଉପରେ ଆକ୍ରମଣ କରୁଥିବା ବ୍ୟକ୍ତିଙ୍କୁ ଆଇନ ଅନୁସାରେ ସମସ୍ତ ଦଣ୍ଡ ମିଳିବ ।
ଏହି ବିଶୃଙ୍ଖଳାର ଫୁଟେଜ ସୋସିଆଲ ମିଡିଆରେ ବହୁଳ ଭାବରେ ସେୟାର ହୋଇଥିବାରୁ ପିଏମ ଟ୍ୱିଟରରେ ଲେଖିଛନ୍ତି, ବ୍ରିଟେନରେ ଜାତିଭେଦର କୌଣସି ଅଂଶ ନାହିଁ ଏବଂ ଆମେ ଏଠି ମିଳିତ ଭାବେ କାର୍ଯ୍ୟ କରିବା ଆବଶ୍ୟକ ।