ଓ୍ବାଶିଂଟନ୍: ଆମେରିକାର ଶ୍ରମ ବିଭାଗ ରିପୋର୍ଟ ଏକ ଭୟାଵହ ଅସହାୟତାର ଚିତ୍ର ଵ୍ୟକ୍ତ କରୁଛି। ଏହା ବିଶ୍ଵବାସୀଙ୍କ ପାଇଁ ଏକ ସମ୍ବେଦନଶୀଳ ଆହ୍ବାନ। ଗତ ସପ୍ତାହରେ ପ୍ରାୟ 3.2 ନିୟୁତ ଅବସରପ୍ରାପ୍ତ କର୍ମଚାରୀ ବା ପେନସନଭୋଗୀ ରୋଜଗାର ସୁବିଧା ପାଇଁ ଆବେଦନ କରିଥିଲେ। କାରଣ, ଚଳିତ ଦଶନ୍ଧି ମଧ୍ୟରେ କୋରୋନା ଭାଇରସ୍ ବ୍ୟାପିବା କାରଣରୁ ବ୍ୟବସାୟ ବନ୍ଦ ପଡିଛି। ଏଣୁ ଆମେରିକାର ଆର୍ଥିକ ବିପର୍ଯ୍ୟୟ ଆହୁରି ଗମ୍ଭୀର ହୋଇଯାଇଛି।
କୋରୋନା ଭାଇରସ୍ ଲକ୍ଷ ଲକ୍ଷ କମ୍ପାନୀକୁ କବାଟ ବନ୍ଦ କରାଇଛି। ଏବଂ ସେମାନଙ୍କ କର୍ମକ୍ଷେତ୍ରକୁ ଶକ୍ତ ଚାପୁଡ଼ା ମାରିବା ପରେ ସାତ ସପ୍ତାହ ମଧ୍ୟରେ ପ୍ରାୟ 33.5 ନିୟୁତ ଲୋକ ବର୍ତ୍ତମାନ ବେକାର ହୋଇଛନ୍ତି। ସେମାନେ ସହାୟତା ପାଇଁ ଆବେଦନ କରିଛନ୍ତି।
ପ୍ରାପ୍ତ ରିପୋର୍ଟ କହୁଛି, ଏହା ହେଉଛି ପାଞ୍ଚ ଜଣ ଆମେରିକୀୟଙ୍କ ମଧ୍ୟରୁ ଜଣେ ଯିଏ ଫେବୃଆରୀରେ ଚାକିରୀ କରିଥିଲେ, ଯେତେବେଳେ ବେକାରୀ ହାର 50 ବର୍ଷର ସର୍ବନିମ୍ନ ମାତ୍ର 3.5% ରେ ପହଞ୍ଚିଥିଲା। ଶ୍ରମ ବିଭାଗର ଗୁରୁବାର ରିପୋର୍ଟରେ ଦର୍ଶାଯାଇଛି ଯେ, ମାର୍ଚ୍ଚ ଶେଷ ତଥା ଏପ୍ରିଲ ଆରମ୍ଭରେ କୋରୋନାର ତୀବ୍ର ସ୍ପାଇକ୍ ପରେ ଚାକିରୀ ହ୍ରାସ ପାଇବାରେ ଲାଗିଛି। ଗତ ସପ୍ତାହରେ ନ୍ୟୁଜର୍ସି, ଓକାଲୋହୋମା ସମେତ 6 ଟି ରାଜ୍ୟରେ ଚାକିରୀହୀନ ସହାୟତା ପାଇଁ ଆବେଦନ ବୃଦ୍ଧି ପାଇଛି।