କାଇରୋ: ଦରିଦ୍ର ବିରୋଧୀ ସଂଗଠନ ଅକ୍ସଫାମ ରିପୋର୍ଟ ଅନୁସାରେ ବିଶ୍ବରେ ପ୍ରତି 1 ମିନିଟରେ ଭୋକରେ ଯାଉଛି 11 ଜଣଙ୍କ ଜୀବନ । ତେବେ ଏହା ଗତ ବର୍ଷ ତୁଳନାରେ 6 ପ୍ରତିଶତ ବଢିଛି ବୋଲି ସୂଚନା ମିଳିଛି । ଏହାସହିତ କୋଭିଡ ମହାମାରୀ ଯୋଗୁଁ ପ୍ରତି 1 ମିନିଟରେ 7 ଜଣଙ୍କ ଜୀବନ ଯାଉଛି ବୋଲି ମଧ୍ୟ ରିପୋର୍ଟରେ ଦର୍ଶାଯାଇଛି ।
ମହାମାରୀ ପାଇଁ ବିଶ୍ବରେ 155 ମିଲିୟନ ବା 15 କୋଟିରୁ ଊର୍ଦ୍ଧ୍ବ ଲୋକ ପ୍ରଭାବିତ ହୋଇଛନ୍ତି । ଦେଶ ସାମରିକ ବିବାଦରେ ରହିଥିବାରୁ ଏମାନଙ୍କ ମଧ୍ୟରୁ ପ୍ରାୟ ଦୁଇ ତୃତୀୟାଂଶ ଲୋକ କ୍ଷୁଧା ସମସ୍ୟା ଭୋଗୁଛନ୍ତି ବୋଲି ସୂଚନା ମିଳିଛି ବୋଲି ଆମେରିକା ଅକ୍ସଫାମର ସଭାପତି ଓ ସିଇଓ ଅବି ମ୍ୟାକ୍ସମାନ କହିଛନ୍ତି । ଏହି ସଂଖ୍ୟା ଆଶ୍ଚର୍ଯ୍ୟଜନକ ହୋଇଥିବା ବେଳେ ଆମକୁ ପ୍ରତ୍ୟେକ ଲୋକଙ୍କ ପ୍ରତି ଧ୍ୟାନ ଦେବା ଆବଶ୍ୟକ ବୋଲି ସେ କହିଛନ୍ତି ।