ମୁମ୍ବାଇ:ଧୀରେ ଧୀରେ ଖୋଲିବାରେ ଲାଗିଛି ବଲିଉଡ ଇଣ୍ଡଷ୍ଟ୍ରିର ଗୁମର । ଏନେକ ଅଭିନେତା ଏବଂ ଅଭିନେତ୍ରୀଙ୍କ କ୍ୟାରିଅର ବରବାଦ୍ ଠାରୁ ଆରମ୍ଭ କରି ବଲିଉଡ ରାଜନୀତି ନେଇ ଅନେକ ତାରକା ସମେତ ନିର୍ଦ୍ଦେଶକ ମୁହଁ ଖୋଲିଛନ୍ତି । ନିକଟରେ ପ୍ରିୟଙ୍କା ଚୋପ୍ରା ବଲିଉଡ କ୍ୟାରିଅରକୁ ନେଇ ଖୁଲାସା କରିଥିବା ବେଳେ ଫିଲ୍ମ ମେକର ବିବେକ ଅଗ୍ନିହୋତ୍ରୀଙ୍କ ସହିତ ଅନେକ ନିର୍ଦ୍ଦେଶକ ଏବଂ ତାରକାଙ୍କ ରିଆକ୍ସନ ସାମ୍ନାକୁ ଆସିବାରେ ଲାଗିଛି । ଏଥିସହ ଏନେଇ ବଲିଉଡ କୁଇନ କଙ୍ଗନା ରାଣାୱତ ପ୍ରସିଦ୍ଧ ଫିଲ୍ମ ନିର୍ମାତା କରଣ ଜୋହରଙ୍କୁ ଟାର୍ଗେଟ କରି ମନ୍ତବ୍ୟ ଦେଇଥିଲେ । ହେଲେ ଏନେଇ କରଣ ଜୋହର କେବେ ପ୍ରତିକ୍ରିୟା ଦେଇନଥିଲେ । ତେବେ ଗତକାଲି ପ୍ରଥମ ଥର କରଣ ଜୋହର ନିଜ ମୁହଁ ଖୋଲିଛନ୍ତି । ସୋସିଆଲ ମିଡିଆରେ ଏକ ନୋଟ୍ ଷ୍ଟୋରୀ ସେୟାର କରିଥିବା ଦେଖିବାକୁ ମିଳିଛି । ଯେଉଁଥିରେ ‘‘ଯେତେ ଦୋଷ ଲଗାଇ ପାରିବ ଲଗାଅ, ମୁଁ ନଇଁବା ଲୋକ ନୁହେଁ । ସେପଟେ କରଣଙ୍କ ଏହି ପୋଷ୍ଟକୁ ନେଇ ଆଜି ଜବାବ ଦେଇଛନ୍ତି କଙ୍ଗନା ।
ବଲିଉଡ କୁଇନ କଙ୍ଗନା ରାଣାୱତ ଏବଂ କରଣ ଜୋହର ଏବେ ସୋସିଆଲ ମିଡିଆରେ ମୁହାଁମୁହିଁ ହୋଇଥିବା ଦେଖିବାକୁ ମିଳିଛି । ଗତକାଲି କରଣ ନିଜ ଇନଷ୍ଟାଗ୍ରାମ ଷ୍ଟୋରୀରେ ଏକ କବିତା ଲେଖି ପୋଷ୍ଟ କରିଥିଲେ । ସେ ନିଜ କବିତାରେ ଲେଖିଥିଲେ, ‘‘ଯେତେ ଦୋଷ ଲଗାଇ ପାରିବ ଲଗାଅ , ମୁଁ ନଇଁବା ଲୋକ ନୁହେଁ । ଯେତେ ତଳୁଆ ଦେଖାଇବ, ଯେତେ ଆରୋପ ଲଗାଇବ, ମୁଁ ତଳେ ପଡିବା ଲୋକ ନୁହେଁ । ମୋର କାର୍ଯ୍ୟ ହିଁ ମୋର ବିଜୟ ଅଟେ । ଆପଣ ଖଣ୍ଡା ଉଠାନ୍ତୁ କିନ୍ତୁ ମୁଁ ମରିବି ନାହିଁ । କରଣଙ୍କ ଏହି ପୋଷ୍ଟକୁ କଙ୍ଗନା ନିଜ ଇନଷ୍ଟା ଷ୍ଟୋରୀରେ ସେୟାର କରି ରୋକଠୋକ ଜବାବ ଦେଇଛନ୍ତି ।