ପୁରୀ: ରେଳଷ୍ଟେସନରେ ଆରପିଏଫ ଥାନା ପୋଲିସକୁ ମିଳିଛି ବଡ ସଫଳତା । ବିଭିନ୍ନ ଉପାୟରେ ରେଳ ଷ୍ଟେସନରେ ଯାତ୍ରୀଙ୍କ ଠାରୁ ଲୁଟ କରୁଥିବା ୫ ଡକାୟତକୁ ଗିରଫ କରିଛି ପୋଲିସ ।
ପୁରୀ ପୋଲିସକୁ ସଫଳତା, ଷ୍ଟେସନରୁ ଲୁଟ କରୁଥିବା 5 ଡକାୟତ ଗିରଫ
ସୂଚନାଅନୁସାରେ, କିଛି ଲୋକଙ୍କ ଗତିବିଧି ଉପରେ ସନ୍ଦେହ କରି ସିସିଟିଭି ଫୁଟେଜ ଯାଞ୍ଚ କରିଥିଲା ପୁରୀ ରେଳଷ୍ଟେସନରେ ଆରପିଏଫ ଥାନା ପୋଲିସ । ଏଥିରେ ଏକ ସାଂଘାତିକ ଦୃଶ୍ୟ ସାମ୍ନାକୁ ଆସିଥିଲା । ବିଭିନ୍ନ ଉପାୟ ଆପଣାଇ ଯାତ୍ରୀଙ୍କ ବ୍ୟାଗ ଲୁଟୁଥିବା ଦେଖିବାକୁ ମିଳିଥିଲା । ଏହାପରେ ଆରପିଏଫ ଆଇଆଇସିଙ୍କ ନେତୃତ୍ୱରେ ଏକ ଟାସ୍କ ଫୋର୍ସ ଟିମ୍ ପୁରୀ ରେଳ ଷ୍ଟେସନରେ ସ୍ପେଶାଲ ଡ୍ରାଇଭ କରାଯାଇଥିଲା । ଏହି ସମୟରେ ଅନ୍ଧାରରେ ବସି ଡକାୟତି ଯୋଜନା କରିବା ସମୟରେ ଚଢାଉ କରି ୫ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।