ଭୁବନେଶ୍ବର: ବାପୁଜୀ ନଗର ମାର୍କେଟ ପାଇଁ ଲାଗିଲା କଟକଣା । ଏଣିକି ବାପୁଜୀ ନଗର ଯାଉଥିଲେ କଳ୍ପନାରୁ ରାଜମହଲ ରାସ୍ତାରେ ଉଭୟ ପାର୍ଶ୍ବରେ ରଖନ୍ତୁ ନାହିଁ ଗାଡି । ବାପୁଜୀ ନଗର ଲେନରେ ୱାନ ୱେରେ ଯାଆନ୍ତୁ ଅର୍ଥାତ ଲେନ ନମ୍ବର ୧ରେ ପ୍ରବେଶ କଲେ ସେହି ଲେନରେ ରିଟର୍ଣ୍ଣ ନ କରି ଲେନ ୨ଦେଇ ବାହାରନ୍ତୁ ।
ବାପୁଜୀ ନଗର ପାଇଁ ନୂଆ ନିୟମ, ଗାଡି ଧରି ଆସୁଥିଲେ ଦିଅନ୍ତୁ ଧ୍ୟାନ
ଏଥିସହ ଲେନରେ ଏଣ୍ଟ୍ରି ପରେ ଗାଡି ରଖିବା ସମୟରେ ମଙ୍ଗଳବାର, ଗୁରୁବାର, ଶନିବାର ଏବଂ ରବିବାର ଦିନ ଡାହାଣ ପାର୍ଶ୍ବରେ ପାର୍କିଂ କରନ୍ତୁ । ବାକି ଅନ୍ୟଦିନ ବାମ ପାର୍ଶ୍ବରେ ପାର୍କିଂ କରିବେ । କାରଣ ବାପୁଜୀ ନଗରକୁ ଯିବା ଆସିବା ସମୟରେ ହୋଇଥାଏ ଅନେକ ସମସ୍ୟା । ସପିଂ କରିବା ସମୟରେ ଉପୁଜିଥାଏ ବାଧା । ତେଣୁ ଏନେଇ ବାପୁଜୀ ନଗର ବଜାର କମିଟି ସହ ଆଲୋଚନା କରି ଏଭଳି ନିୟମ ଜାରି କରିଛି କମିଶନରେଟ ପୋଲିସ ।