ଫନିରେ ଭାଙ୍ଗି ଯାଇଥିବା ଜିନିଷର ପୁନର୍ବ୍ୟବହାର କରୁଛି ଏନଆଇଏଫଟି

ଫନିରେ ନଷ୍ଟ ହୋଇଯାଇଥିବା ଜିନିଷକୁ ପୁଣି ଥରେ ବ୍ୟବହାର ଉପୋଯୋଗୀ କରିଛି ନ୍ୟାସନାଲ ଇନଷ୍ଟିଚ୍ୟୁଟ ଅଫ ଫେସନ ଟେକ୍ନୋଲୋଜି(ଏନଆଇଏଫଟି) ।

ଭୁବନେଶ୍ବର: ଫନିରେ ଭାଙ୍ଗି ଯାଇ ଥିବା ଜିନିଷକୁ ପୁଣି ଥରେ ବ୍ୟବହାର ଉପଯୋଗୀ କରିବା ପାଇଁ ନୂଆ ପ୍ରୟାସ ଆରମ୍ଭ କରିଛି ଏନଆଇଏଫଟି। ଫନି ଆସି ନଷ୍ଟ କରି ଦେଇଥିଲା ଅନେକ ଧନ ସମ୍ପତ୍ତି, ଆଉ ଏଥିରୁ ବାଦ ପଡି ନଥିଲା ଅନେକ ସ୍କୁଲ ଓ କଲେଜ। ବିଭିନ୍ନ ଶିକ୍ଷାନୁଷ୍ଠାନର କାଚ ଝରକା ଠାରୁ ଆରମ୍ଭ କରି ଚେୟାର ଟେବୁଲ ପର୍ଯ୍ୟନ୍ତ ସବୁ ଭାଙ୍ଗି ଯାଇଥିଲା। ଏସବୁ ଭଙ୍ଗା ଜିନିଷକୁ ବ୍ୟବହାର କରି ଏନଆଇଏଫଟି ବିଭିନ୍ନ ବ୍ୟବହାର ଉପଯୋଗୀ ଜିନିଷ ତିଆରି କରିଛନ୍ତି ।

ସବୁ ଭଙ୍ଗା ଜିନିଷକୁ ପୁଣି ଥରେ ସାଇତିଛି ନ୍ୟାସନାଲ ଇନଷ୍ଟିଚ୍ୟୁଟ ଅଫ ଫେସନ ଟେକ୍ନୋଲୋଜି। ଝରକାରୁ ଭାଙ୍ଗି ଯାଇଥିବା ଲୁହାରୁ ଡ଼ଷ୍ଟବିନ ଷ୍ଟାଣ୍ଡ ତିଆରି କରିଛି ଏହି ଇନଷ୍ଟିଚ୍ୟୁଟ। ଅନ୍ୟ ପଟେ ଫନି ବାତ୍ୟା ପରେ ଇନଷ୍ଟିଚ୍ୟୁଟର ଅନେକ ଗଛ ଲତା ଭାଙ୍ଗି ଯିବା ଫଳରେ ବାସ ହରା ପକ୍ଷୀଙ୍କ ପାଇଁ ବାସସ୍ଥାନ ତିଆରି କରାଯାଇଛି । ଯାହା ଏବେ ଅନ୍ୟମାନଙ୍କ ପାଇଁ ଉଦାହରଣ ଅଟେ।

ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ