ଭୁବନେଶ୍ବର: ଦୀର୍ଘ 25 ବର୍ଷ ପରେ ଆସିଛି ଅପୂର୍ବ ତିଥି । ଯେଉଁଥିରେ ମହାପ୍ରଭୁ ଜଗନ୍ନାଥ ଭାଇ ବଳଭଦ୍ର ଓ ଭଉଣୀ ସୁଭଦ୍ରାଙ୍କ ସହ ବୀର ବେଶରେ ଦର୍ଶନ ଦିଅନ୍ତି । ମହାମାରୀର କରାଳ କାୟା ସାରା ସଂସାରରେ ବିସ୍ତାରିତ ହୋଇଥିବା ବେଳେ ପୁରୀ ଶ୍ରୀମନ୍ଦିରରେ ମହାବାହୁ ଜଗନ୍ନାଥଙ୍କ ନାଗାର୍ଜୁନ ବେଶର ଆୟୋଜନ କରାଯାଇଛି । ମାତ୍ର କୋରୋନା କଟକଣା ଯୋଗୁଁ ଭକ୍ତମାନଙ୍କୁ ମନ୍ଦିର ପ୍ରବେଶ ଓ ଦର୍ଶନ ନିମନ୍ତେ ସୁଯୋଗ ମିଳିନାହିଁ । ଯାହା ସାରା ଦେଶର ଜଗନ୍ନାଥ ପ୍ରେମୀଙ୍କୁ ମର୍ମାହତ କରିଛି । ତେବେ ଖୁସିର କଥା ହେଉଛି ରାଜଧାନୀ ଭୁବନେଶ୍ବରର ୟୁନିଟ 5 ଅଞ୍ଚଳରେ ଥିବା ଜଗନ୍ନାଥ ମନ୍ଦିରରେ ମହାପ୍ରଭୁଙ୍କ ନାଗାର୍ଜୁନ ବେଶ ଦର୍ଶନ ପାଇଁ ଭକ୍ତଙ୍କୁ ସୁଯୋଗ ମିଳିଛି ।
ବୀରବେଶରେ ଦର୍ଶନ ଦେଉଛନ୍ତି ମହାବହୁ: କୃତାର୍ଥ ଭକ୍ତ