ଭୁବନେଶ୍ବର: ଆଜି କେନ୍ଦ୍ର ସରକାର 3 କୃଷି ଆଇନ ପ୍ରତ୍ୟାହାର (farm law repeal) କରିବା ନେଇ ଘୋଷଣା କରିବା ପରେ ଖୁସି ବ୍ୟକ୍ତ କରିଛି ନବ ନିର୍ମାଣ କୃଷକ ସଂଗଠନ ।
Farm law Repeal; ଖୁସି ବ୍ୟକ୍ତ କଲା ନବ ନିର୍ମାଣ କୃଷକ ସଂଗଠନ
ଏନେଇ ଭୁବନେଶ୍ୱରରେ ଏକ ସାମ୍ବାଦିକ ସମ୍ମିଳନୀ କେନ୍ଦ୍ର ସରକାର ବିଳମ୍ବରେ ହେଲେ ମଧ୍ୟ ଏହି ନିଷ୍ପତ୍ତି ନେଇଛି । ଏହା ଅତ୍ୟନ୍ତ ଖୁସିର ବିଷୟ । ଗତ 11 ମାସରେ ମଧ୍ଯରେ 700 ରୁ ଅଧିକ ଚାଷୀ କୃଷି ଆଇନ ପ୍ରତ୍ୟାହାର ନେଇ ଆନ୍ଦୋଳନ ବେଳେ ମୃତ୍ୟୁବରଣ କରିଛନ୍ତି । ଆଜି କେନ୍ଦ୍ର ସରକାରଙ୍କର ଏଭଳି ନିଷ୍ପତ୍ତି ପରେ ଭାରତ ବର୍ଷରେ ଚାଷୀ ଆଶ୍ୱସ୍ତ ହୋଇଛନ୍ତି ବୋଲି କହିଛି ନବ ନିର୍ମାଣ କୃଷକ ସଂଗଠନ ।
ତେବେ ଯେତେ ବେଳେ ଏହା ସଂସଦରେ ଆନୁଷ୍ଠାନିକ ଭାବେ ପ୍ରତ୍ୟାହାର ହେବ ଆମେ ଖୁସି ହେବୁ । କେନ୍ଦ୍ର ସରକାରଙ୍କ ପକ୍ଷରୁ ନୂଆ କୃଷି ଆଇନ କରାଯାଇଥିଲା। କଂଗ୍ରେସ ସମେତ ବିଭିନ୍ନ ରାଜନୈତିକ ଦଳ ଏହାକୁ ପ୍ରତ୍ୟାହାର କରିବା ପାଇଁ ଦାବି କରି ଆସୁଥିଲେ। ଏନେଇ ବିଭିନ୍ନ କୃଷକ ସଂଗଠନ ମଧ୍ୟ ଏହାକୁ ପ୍ରତ୍ୟାହାର ପାଇଁ ଅଡି ବସିଥିଲେ ।