ଭୁବନେଶ୍ବର: ଆଜି ବିଧାନସଭା ଶୀତକାଳୀନ ଅଧିବେଶନର ଦ୍ବିତୀୟ ଦିନ । ଗୃହ କାର୍ଯ୍ୟ ଆରମ୍ଭରୁ ହାଜତ ମୃତ୍ୟୁ ମାମଲା ଉଠାଇଲେ ବିରୋଧୀ ଦଳ ନେତା । ରାଜ୍ୟରେ ଆଇନ ଶୃଙ୍ଖଳା ବିପର୍ଯ୍ୟସ୍ତ ହୋଇପଡିଥିବା ସରକାରଙ୍କ କଲେ ଟାର୍ଗେଟ । ବିରୋଧୀ ଦଳ ନେତା ପ୍ରଦୀପ୍ତ ନାଏକ ଏହି ପ୍ରସଙ୍ଗ ଉଠାଇଛନ୍ତି । ଗୃହ କାର୍ଯ୍ୟ ଆରମ୍ଭରୁ ମୁଲତବୀ ନୋଟିସ ଆଣିଥିଲା ବିଜେପି ।
ବିଧାନସଭାର ଶୀତକାଳିନୀ ଅଧିବେଶନ ସକାଳ 10.30 ରୁ ଆରମ୍ଭ ହୋଇଯାଇଛି । ଗୃହକାର୍ଯ୍ୟ ଆରମ୍ଭରୁ ବିରୋଧୀ ହାଜତ ମୃତ୍ୟୁ ପ୍ରସଙ୍ଗ ଆଣି ସରକାରଙ୍କୁ ଘେରିବାକୁ ଉଦ୍ୟମ କରିଛନ୍ତି । ପୁରୀ ଏସପିଙ୍କ ନିର୍ଦ୍ଦେଶରେ ଯୁବକଙ୍କୁ ଉଠାଇ ନେବା ପରେ ତାକୁ ପିଟିପିଟି ମାରିଦେଲି । ଏପରିକି ପରିବାର ଲୋକଙ୍କୁ ନ ଜଣାଇ ଅନ୍ତିମ ସଂସ୍କାର ମଧ୍ୟ କରିଦିଆଗଲା । ଆଉ ଯେଉଁମାନେ ଦେଖିଲେ ସେମାନଙ୍କୁ ବ୍ରହ୍ମଗୁରୁ ଥାନାକୁ ନେଇଯାଇଗଲେ । ପରେ କହୁଛନ୍ତି ଧସ୍ତାଧସ୍ତିରେ ମରିଗଲେ । ଛୋଟ ଲୋକଙ୍କୁ ମାରି କେତେ ଦିନ ଆଇପିଏସ ଓ ଆଇଏଏସଙ୍କୁ ସରକାର ବଞ୍ଚାଇବେ ବୋଲି ପ୍ରଦୀପ୍ତ ନାୟକ ପ୍ରଶ୍ନ କରିଛନ୍ତି ।