ବାଲେଶ୍ବର:ଜଳେଶ୍ବର ଓ ଭୋଗରାଇ ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇ ବିପୁଳ ପରିମାଣର ବ୍ରାଉନସୁଗର ଜବତ କରାଯାଇଛି । ତା ସହିତ ଏହି ମାମଲାରେ ଜଣେ ଅଭିଯୁକ୍ତଙ୍କୁ ଗିରଫ କରିିଛି ଅବକାରୀ ବିଭାଗ । ଜଳେଶ୍ବର ଓ ଭୋଗରାଇ ବ୍ରାଉନସୁଗାର କାରବାର ହେଉଥିବା ନେଇ ଅବକାରୀ ବିଭାଗର ଏକ ପାଞ୍ଚ ଜଣିଆ ଟିମ ପାଟ୍ରୋଲିଂ ଚଳାଇଥିଲା ।
ପଶ୍ଚିମବଙ୍ଗରୁ ବ୍ରାଉନସୁଗାର ଓଡ଼ିଶା ଚାଲାଣ, ମାଡ଼ି ବସିଲା ଅବକାରୀ ବିଭାଗ ଏହି ସମୟରେ ପଶ୍ଚିମବଙ୍ଗର ମଇନୁଦ୍ଦିନ ସେଖ୍ ନାମକ ଜଣେ ବ୍ୟକ୍ତି ବ୍ରାଉନସୁଗର ନେଇ ଓଡ଼ିଶାରେ ବେପାର କରିବା ପାଇଁ ଆସୁଥିଲେ । ଅବକାରୀ ବିଭାଗକୁ ସନ୍ଦେହ ହେବାରୁ ମଇନୁଦ୍ଦିନ ଗାଡ଼ି ଉପରେ ଚଢ଼ାଉ କରିଥିଲା । ଚଢ଼ାଉ ବେଳେ ତା ନିକଟରୁ 550 ଗ୍ରାମ ବ୍ରାଉନସୁଗାର ଜବତ ହୋଇଥିଲା ।
ଅବକାରୀ ବିଭାଗ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରାଯାଇଛି । ଜବତ ବ୍ରାଉନସୁଗରର ମୂଲ୍ୟ 55 ଲକ୍ଷ ଟଙ୍କାରୁ ଅଧିକ ହେବ ବୋଲି ଜଣାପଡ଼ିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
