ନୂଆଦିଲ୍ଲୀ:ସୁନାଗହଣାର ବାଧ୍ୟତାମୂଳକ ହଲମାର୍କିଂର(Mandatory Gold Hallmarking) ଦ୍ବିତୀୟ ପର୍ଯ୍ୟାୟ କେନ୍ଦ୍ର ସରକାରଙ୍କ ପକ୍ଷରୁ ଘୋଷଣା କରାଯାଇଛି । ଆସନ୍ତା ଜୁନ ୧ ତାରିଖରୁ ଏହାକୁ ଲାଗୁ କରାଯିବ ବୋଲି ଘୋଷଣା କରାଯାଇଛି । ୨୦୨୧ ଜୁନ ୧୬ ପର୍ଯ୍ୟନ୍ତ ସୁନାର ଶୁଦ୍ଧତା ପରୀକ୍ଷା ସମ୍ପର୍କିତ ହଲମାର୍କିଂ ବାଧ୍ୟତାମୂଳକ ନଥିଲା । କିନ୍ତୁ ସରକାର ଏହାକୁ ପର୍ଯ୍ୟାୟକ୍ରମେ ବାଧ୍ୟତାମୂଳକ କରିବା ପାଇଁ ନିଷ୍ପତ୍ତି ନେଇଥିଲେ ।
ପ୍ରଥମ ପର୍ଯ୍ୟାୟ ବାଧ୍ୟତାମୂଳକ ହଲମାର୍କିଂରେ ଦେଶର ୨୫୬ ଜିଲ୍ଲାକୁ ସାମିଲ କରାଯାଇଥିଲା । ଦ୍ବିତୀୟ ପର୍ଯ୍ୟାୟରେ ଆଉ ୩୨ ଜିଲ୍ଲାକୁ ସାମିଲ କରାଯାଇଥିବା ନେଇ ଖାଉଟି ବ୍ୟାପାର ମନ୍ତ୍ରାଳୟ(Consumer Affairs Ministry) ପକ୍ଷରୁ କୁହାଯାଇଛି । ଏହିସବୁ ଜିଲ୍ଲାରେ ସୁନା ପରୀକ୍ଷା ଏବଂ ହଲମାର୍କିଂ କେନ୍ଦ୍ର ସ୍ଥାପନ କରାଯାଇଛି ।