ନୂଆଦିଲ୍ଲୀ: ବିକ୍ରି ଦୃଷ୍ଟିରୁ ଟପ 5 ଗାଡି ଲିଷ୍ଟରେ ଦେଶର ସର୍ବବୃହତ କାର ବିନିର୍ମାତା ମାରୁତି ସୁଜୁକି ଇଣ୍ଡିଆ ଆଗୁଆ । 2020-21 ଆର୍ଥିକ ବର୍ଷରେ ସ୍ବିଫ୍ଟ, ବାଲେନୋ, ୱାଗନର, ଅଲ୍ଟୋ ଏବଂ ଡିଜାୟାର ବିକ୍ରି କ୍ଷେତ୍ରରେ ଶ୍ରେଷ୍ଠ 5 ମଡେଲ ଭାବେ ଉଭା ହୋଇଛି ।
କମ୍ପାନୀ ଏକ ବିବୃତ୍ତିରେ କହିଛି ଯେ, 1.72 ଲକ୍ଷ ୟୁନିଟ ସହ ସ୍ବିଫ୍ଟ ପ୍ରଥମ ସ୍ଥାନରେ ରହିଛି । ସେହିଭଳି ବାଲେନୋ 1.63 ଲକ୍ଷ ୟୁନିଟ ସହ ଦ୍ବିତୀୟ ସ୍ଥାନରେ ରହିଛି ।
ମାରୁତି ସୁଜୁକି ଇଣ୍ଡିଆ (ଏମଏସଆଇ) କହିଛି କି 1.60 ଲକ୍ଷ ୟୁନିଟ ସହ ୱାଗନର ତୃତୀୟ ସ୍ଥାନରେ ଅଛି । ଏଥିମଧ୍ୟରେ ଅଲ୍ଟୋ ଏବଂ ଡିଜାୟର କ୍ରମଶଃ 1.59 ଲକ୍ଷ ୟୁନିଟ ଓ 1.28 ଲକ୍ଷ ୟୁନିଟ ବିକ୍ରି ହୋଇଛି । ଏମଏସଆଇ କହିଛି ଯେ , ଏହି ମଡେଲ 2020-21 ରେ ମୋଟ ପାସେଞ୍ଜର ଯାନର ବିକ୍ରିରେ ପ୍ରାୟ 30 ପ୍ରତିଶତ ଯୋଗଦାନ ଦେଇଛି ।
କମ୍ପାନୀ କହିଛି କି ଲଗାତାର 4 ର୍ଥ ବର୍ଷ ବିକ୍ରି ଦୃଷ୍ଟିରୁ ଭାରତ ଶୀର୍ଷ 5 ଗାଡି ଆମର । ଏ ନେଇ ଏମଏସଆଇର କାର୍ଯ୍ୟନିର୍ବାହୀ ନିର୍ଦ୍ଦେଶକ ( ମାର୍କେଟିଂ ଓ ବିକ୍ରି ) ଶଶାଙ୍କ ଶ୍ରୀବାସ୍ତବ କହିଛନ୍ତି କି ବଢୁଥିବା ପ୍ରତିସ୍ପର୍ଦ୍ଧା ପରେ ବି 2020-21 ରେ ବିକ୍ରି ଦୃଷ୍ଟିକୋଣରୁ ଶୀର୍ଷ 5 ଯାତ୍ରୀବାହୀ ଯାନ ମାରୁତି ସୁଜୁକିର ରହିଛି ।
2020 ଅର୍ଥବ୍ୟବସ୍ଥା ପାଇଁ ନୂଆ ଚ୍ୟାଲେଞ୍ଜ ନେଇ ଆସିଛି । ହେଲ ଗ୍ରାହକଙ୍କ ବିଶ୍ବାସ ମାରୁତି ସୁଜୁକି ଉପରେ ଅତୁଟ ରହିଛି ।