ନୂଆଦିଲ୍ଲୀ: କୋରୋନା ଟିକା ସଂକ୍ରମଣକୁ ରୋକିପାରିବ ନାହିଁ , ହେଲେ ଲକ୍ଷଣକୁ ସାମାନ୍ୟ କରିବାରେ ସାହାଯ୍ୟ କରିବ । ଆପୋଲୋ ହସ୍ପିଟାଲର ଯୁଗ୍ମ ପରିଚାଳନା ନିର୍ଦ୍ଦେଶକ ସାଙ୍ଗିତା ରେଡ୍ଡୀ (Sangita Reddy) ସୋମବାର ଏ ନେଇ ମତ ପ୍ରକାଶ କରିଛନ୍ତି ।
କୋରୋନା ସଂକ୍ରମିତ ହୋଇ ସେ ହସ୍ପିଟାଲରେ ଭର୍ତ୍ତି ଥିଲେ । ହେଲେ ଆଜି ଘରକୁ ସୁସ୍ଥ ହୋଇ ଫେରିଛନ୍ତି ବୋଲି ସେ ଟ୍ବିଟରରେ ଲେଖିଛନ୍ତି । ସେ କହିଛନ୍ତି କି, ‘‘ କୋଭିଡ-19 କବଳରୁ 500 ଦିନ ଯାଏଁ ବଞ୍ଚି ରହିବା ପରେ ଜୁନ 10 ରେ ମୋର କୋଭିଡ-19 ଟେଷ୍ଟ ପଜେଟିଭି ଆସିଲା । ଆଉ ଆରମ୍ଭରେ ମୁଁ ଆଶ୍ଚର୍ଯ୍ୟ ଓ ହତାସ ହୋଇଗଲି କି- ମୋର କାହିଁକି ହେଲା ? ମୁଁ ତ ସାବଧାନ ଥିଲି । ଆଉ ଟିକା ବି ଲଗାଇଥିଲି । ହେଲେ ପରେ ପ୍ରବଳ ଜ୍ବର ହେବା ପରେ ମତେ ହସ୍ପିଟାଲରେ ଭର୍ତ୍ତି କରାଯାଇଥିଲା । ଆଉ ଆରମ୍ଭରେ କକଟେଲ ରେଜେନେରନ୍ ଥେରାପି ନେଇଥିଲି, ଯାହାକି ମତେ ବହୁତ ଫାଇଦା ଦେଲା । ’’