ଓ୍ବାଶିଂଟନ: ବିଶ୍ବର ସବୁଠାରୁ ବଡ ତଥା ଶକ୍ତିଶାଳୀ ରକେଟରେ ପ୍ରଥମ ପରୀକ୍ଷଣ ବିଫଳ ହୋଇଛି । ଏଲନ ମସ୍କଙ୍କ ସ୍ପେସଏକ୍ସ ତିଆରି କରିଥିବା ରକେଟ୍ ଷ୍ଟାରସିପ ଉତକ୍ଷେପଣର ୪ ମିନିଟ ପରେ ବିସ୍ଫୋରଣ ହୋଇଯାଇଛି । ମଝି ଆକାଶରେ ବିସ୍ଫୋରଣ ହୋଇ ଖଣ୍ଡ ଖଣ୍ଡ ହୋଇଯାଇଛି ରକେଟ୍ ।
ସୂଚନାଅନୁସାରେ, ଗତକାଲି(ଗୁରୁବାର) ସନ୍ଧ୍ୟା ପ୍ରାୟ ୭ଟା ସମୟରେ ଏହି ରକେଟକୁ ଟୋକ୍ସାସର ବୋକା ଚିକା ଲଞ୍ଚପ୍ୟାଡରୁ ଉତକ୍ଷେପଣ କରାଯାଇଥିଲା । ଏହା ଷ୍ଟାରସିପର ପ୍ରଥମ ଅରବିଟାଲ ପରୀକ୍ଷା ଥିଲା । ତେବେ ପରୀକ୍ଷଣର କିଛି ସମୟ ବା ୪ ମିନିଟ ପରେ ହିଁ ରକେଟ୍ ବିସ୍ଫାରଣ ହୋଇ ଖଣ୍ଡଖଣ୍ଡ ହୋଇଯାଇଛି । ବିଶ୍ବର ସବୁଠାରୁ ଶକ୍ତିଶାଳୀ ରକେଟ ଖଣ୍ଡଖଣ୍ଡ ହୋଇ ନଷ୍ଟ ହୋଇଯାଇଛି । ତେବେ ଏନେଇ ସ୍ପେସଏକ୍ସ ତରଫରୁ ହିଁ ସୂଚନା ଦିଆଯିବା ସହ ସ୍ପଷ୍ଟୀକରଣ ରଖାଯାଇଛି ।
ପ୍ରକାଶଥାଉକି, ଏହି ରକେଟକୁ ପୂର୍ବରୁ ୧୭ ତାରିଖରେ ଉତକ୍ଷେପଣ କରିବା ନେଇ ତାରିଖ ଧାର୍ଯ୍ୟ ହୋଇଥିଲା । ତେବେ ଯାନ୍ତ୍ରିକ ତ୍ରୁଟି ଯୋଗୁଁ ଏହାକୁ ସ୍ଥଗିତ ରଖାଯାଇଥିଲା । ବିଶ୍ବର ଦ୍ବିତୀୟ ଧନୀ ବ୍ୟକ୍ତି ଏଲନ ମସ୍କଙ୍କ କମ୍ପାନୀ ସ୍ପେସଏକ୍ସ ଷ୍ଟେନଲେସ ଷ୍ଟିଲରୁ ଏହି ରକେଟକୁ ପ୍ରସ୍ତୁତ କରିଥିଲା । ତେବେ ବିସ୍ଫୋରଣ ପରେ କମ୍ପାନୀ ପକ୍ଷରୁ କୁହାଯାଇଛି, "ଏହି ପରୀକ୍ଷଣରୁ ଆମକୁ ବହୁତ କିଛି ଶିଖିବାକୁ ମିଳିଲା । ଆଗକୁ ଆମକୁ ସଫଳତା ମିଳିବ ।"