ନୂଆଦିଲ୍ଲୀ: ଦିଲ୍ଲୀର 2ଟି ହସ୍ପିଟାଲରେ ଏହି ସପ୍ତାହ ଶେଷ ସୁଦ୍ଧା ରୁଷିଆର କୋରୋନା ଟିକା ସ୍ପୁଟନିକ -ଭି ର ପରିଚାଳନା ଆରମ୍ଭ ହେବ । ଦିଲ୍ଲୀର ମାଧୁକର ରେନବୋ ଶିଶୁ ହସ୍ପିଟାଲରେ ରୁଷିଆର କୋରୋନା ଟିକା ସ୍ପୁଟନିକ୍ -ଭି ପରିଚାଳନା ଆରମ୍ଭ ହେବା ନେଇ କହିଛନ୍ତି ହସ୍ପିଟାଲର ଅଧିକାରୀ । ସପ୍ତାହ ଶେଷ ସୁଦ୍ଧା ଡୋଜର ସଠିକ ଉପଲବ୍ଧ ସଂଖ୍ୟା ନିଶ୍ଚିନ୍ତ ହେବ ବୋଲି ମଧ୍ୟ କହିଛନ୍ତି ଅଧିକାରୀ ଜଣଙ୍କ ।
ଏଥି ସହ ଦିଲ୍ଲୀର ଇନ୍ଦ୍ରପ୍ରସ୍ଥ ଆପୋଲୋ ହସ୍ପିଟାଲରେ ଲୋକଙ୍କ ପାଇଁ ସ୍ପୁଟନିକ -ଭି ର ଉପଲବ୍ଧ ହେବାର ସମ୍ଭାବନା ରହିଛି। ସ୍ପୁଟନିକ-ଭି ର 1000 ଡୋଜ ଆପୋଲୋ ହସ୍ପିଟାଲରେ ପହଞ୍ଚିଥିଲା ଏବଂ ଏହି 170 ଟି ଡୋଜ ମଧ୍ୟରୁ ଲ୍ୟାବ କର୍ମଚାରୀଙ୍କୁ ଦିଆଯାଇଥିଲା।