ନୂଆଦିଲ୍ଲୀ: ଯୁବପିଢିଙ୍କ ଦକ୍ଷତା ବିକାଶ ଏକ ଜାତୀୟ ଆବଶ୍ୟକତା । ଯୁବପିଢିଙ୍କ ଦକ୍ଷତା ବିକାଶ ଆତ୍ମନିର୍ଭର ଭାରତର ମୁଖ୍ୟ ଭିତ୍ତିଭୂମି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି । ବିଶ୍ବ ଯୁବ ଦକ୍ଷତା ଦିବସରେ ଯୁବପିଢିଙ୍କୁ ପ୍ରଧାନମନ୍ତ୍ରୀ ସମ୍ବୋଧିତ କରି ଏପରି କହିଛନ୍ତି ।
ସୂଚନା ଅନୁଯାୟୀ ଆଜି(ଗୁରୁବାର) ବିଶ୍ବ ଯୁବ ଦକ୍ଷତା ଦିବସରେ ଦେଶର ଯୁବପିଢିଙ୍କୁ ଭିଡିଓ କନଫରେନ୍ସିଂ ମାଧ୍ୟମରେ ପ୍ରଧାନମନ୍ତ୍ରୀ ସମ୍ବୋଧିତ କରିଛନ୍ତି । ଏହି ଅବସରସେ ସେ କହିଛନ୍ତି ଯେ, କୋରୋନା ସମୟରେ ଏହି ଦିବସ ପାଳନ କରିବାର ଏହା ହେଉଛି ଦ୍ବିତୀୟ ବର୍ଷ । ମହାମାରୀ ସମୟରେ ବିଶ୍ବ ଯୁବ ଦକ୍ଷତା ଦିବସ ପାଳନ କରିବା ଆମ ପାଇଁ ଏକ ଆହ୍ବାନ । ଏହି ଦୁଃସମୟରେ ଯୁବ ଦକ୍ଷତା ଦିବସ ପାଳନର ଗୁରୁତ୍ବକୁ ଅଧିକ ବଢାଇ ଦେଇଛି । ଯୁବପିଢିଙ୍କ ଦକ୍ଷତା ବିକାଶ ଏକ ଜାତୀୟ ଆବଶ୍ୟକତା ବୋଲି ପ୍ରଧାନମନ୍ତ୍ରୀ କହିଛନ୍ତି ।