ନୂଆଦିଲ୍ଲୀ:ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ସୌଜନ୍ୟମୂଳକ ସାକ୍ଷାତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (prime minister president Droupadi Murmu) । ରାଷ୍ଟ୍ରପତିଙ୍କୁ ଭେଟି ଦୀପାବଳିର ଶୁଭକାମନା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହାକୁ ନେଇ ରାଷ୍ଟ୍ରପତି ଭବନ ପକ୍ଷରୁ ଟ୍ବିଟ୍ କରି ସୂଚନା ଦିଆଯାଇଛି ।
ରାଷ୍ଟ୍ରପତି ଟ୍ବିଟ୍ କରି ଲେଖିଛନ୍ତି, "ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିବା ମୋ ପାଇଁ ସମ୍ମାନର ବିଷୟ । ଆମେ ଉଭୟ ପରସ୍ପରକୁ ଦୀପାବଳିର ଶୁଭକାମନା ଜଣାଇଲୁ । ଅନ୍ଧାର ଉପରେ ଆଲୋକ ବିଜୟ ସ୍ବରୂପ ଏହି ପର୍ବ । ଦେଶରେ ଆଗାମୀ ଦିନରେ କିଭଳି ଶାନ୍ତି, ସୌହାର୍ଦ୍ଦ୍ୟ ଓ ମାନବିକତା ବଜାୟ ରହି ପାରିବ ସେନେଇ ଆଲୋଚନା କରିଛୁ ।"