ଶିମଲା: କଠିନ ପରିଶ୍ରମ ଏବଂ ଦୃଢ ଇଚ୍ଛାଶକ୍ତି ଆଗରେ ହାର ମାନେ ପ୍ରତିକୂଳ ପରିସ୍ଥିତି । ବଦଳି ଯାଏ ଭାଗ୍ୟ, ମିଳେ ସଫଳତା । ହିମାଚଳ ପ୍ରଦେଶର ହାମିରପୁର ଜିଲ୍ଲା ପୁତଡିୟାଲ ଗ୍ରାମର ଦୁଇ ଭଉଣୀଙ୍କ କ୍ଷେତ୍ରରେ ଏହା ଦେଖିବାକୁ ମିଳିଛି । ଚଳିତ ବର୍ଷ ନିଟ୍ ପରୀକ୍ଷୀରେ (NEET UG Result 2022) ଉତ୍ତିର୍ଣ୍ଣ କରି ରାଜ୍ୟ ପାଇଁ ଗର୍ବ ଆଣିଛନ୍ତି ଦୁଇ ଜାଆଁଳା ଭଉଣୀ (Twin daughters cleared NEET exam in Hamirpur) । ଉଭୟଙ୍କ ଏହି ସଫଳତା ପାଇଁ ଏବେ ଚାରିଆଡୁ ଶୁଭେଚ୍ଛାର ସୁଅ ଛୁଟୁଛି।
ପୁତଡିୟାଲ ଗ୍ରାମର ଦୁଇ ଭଉଣୀ ରିୟା ଏବଂ ସିୟା ପ୍ରଥମ ପ୍ରୟାସରେ ନିଟ୍ ପରୀକ୍ଷାରେ ଉତ୍ତୀର୍ଣ୍ଣ ହୋଇଛନ୍ତି । ସର୍ବମୋଟ ୭୨୦ରୁ ରିୟା ୬୪୫ ମାର୍କ ରଖିଥିବାବେଳେ ସିୟା ୬୧୭ ମାର୍କ ରଖିଛନ୍ତି । ଦୁଇ ଭଉଣୀଙ୍କ ପିତା କୁଶଳ ଜଣେ ଟ୍ରକ ଡ୍ରାଇଭର (Truck driver daughters cleared NEET)। ସେଥିରୁ ଯାହା ରୋଜଗାର କରନ୍ତି, ତାହା ପରିବାର ଚଳେ । କିନ୍ତୁ ଦୁଇ ଝିଅଙ୍କ ପାଠ ପଢ଼ାରେ କୌଣସି ଅଭାବ କରିନଥିଲେ । ପିତାଙ୍କ କଠିନ ପରିଶ୍ରମର ମୂଲ୍ୟ ରଖିଛନ୍ତି ଦୁଇ ଭଉଣୀ ।
ହାମିରପୁର କେନ୍ଦ୍ରୀୟ ବିଦ୍ୟାଳୟରୁ ଯୁକ୍ତ ଦୁଇ ପଢ଼ିସାରିବା ପରେ ଦୁହେଁ ଡାକ୍ତର ହେବାର ସ୍ବପ୍ନ ଦେଖିଥିଲେ । ପିତା କୁଶଲ ମଧ୍ୟ ସେମାନଙ୍କ ପଢିବା ପାଇଁ ପ୍ରେରଣା ଦେଇଥିଲେ । ରିୟା ଏବଂ ସିୟାଙ୍କ ସଫଳତା ପାଇଁ ପରିବାର ଖୁସିର ଲହରି ଖେଳିଯାଇଛି । କଠିନ ପରିଶ୍ରମ ହିଁ ପିଲାଙ୍କ ସଫଳତାର ଶ୍ରେୟ ବୋଲି ପିତା କହିଛନ୍ତି । ଗ୍ରାମର ଦୁଇ ଝିଅ ଜିଲ୍ଲା ତଥା ସମଗ୍ର ରାଜ୍ୟ ପାଇଁ ଗର୍ବ ଆଣିଥିବା ସରପଞ୍ଚ କହିଛନ୍ତି । ସମଗ୍ର ଗ୍ରାମରେ ଉଭୟେ ଚର୍ଚ୍ଚାର ବିଷୟ ପାଲଟିଛନ୍ତି ।
ଏହା ମଧ୍ୟ ପଢ଼ନ୍ତୁ:ଆତ୍ମହତ୍ୟା ଉଦ୍ୟମ କରୁଥିବା NEET ପରୀକ୍ଷାର୍ଥୀଙ୍କ ଜୀବନ ବଞ୍ଚାଇଲା ଫେସବୁକ୍ !
ନିଟ ପରୀକ୍ଷାରେ ଶିମଲାର ଆଦିତ୍ୟ ରାଜ ହିମାଚଳ ପ୍ରଦେଶରେ ଟପ୍ପର ହୋଇଛନ୍ତି । ଆଦିତ୍ୟ ୭୨୦ରୁ ୬୮୭ ମାର୍କ (NEET result Himachal Pradesh) ରଖି ସଫଳତାର ଶୀର୍ଷରେ ପହଞ୍ଚିଛନ୍ତି। ଅଲ୍ ଇଣ୍ଡିଆ ରାଙ୍କିଂରେ ୪୦୯ ରହିଛି । ସେ ଏକ ନ୍ୟୁରୋ ସର୍ଜନ ହେବାକୁ ଚାହୁଁଛନ୍ତି । ଜୁଲାଇ ୧୭ରେ ଚଳିତ ବର୍ଷର ନିଟ ପରୀକ୍ଷା ଅନୁଷ୍ଠିତ ହୋଇଥିଲା । ଦେଶର ୩୭୫୦ କେନ୍ଦ୍ରରେ ପରୀକ୍ଷା ହୋଇଥିଲେ । ଏଥିପାଇଁ ୧୮.୭୨ ଲକ୍ଷ ଛାତ୍ରଛାତ୍ରୀ ପଞ୍ଜୀକରଣ କରିଥିବାବେଳେ ୧୬ ଲକ୍ଷରୁ ଉର୍ଦ୍ଧ୍ବ ପରୀକ୍ଷା ଦେଇଥିଲେ । ସେହିପରି ହିମାଚଳ ପ୍ରଦେଶରେ ୯୭୭୩ ଛାତ୍ରଛାତ୍ରୀ ପରୀକ୍ଷା ଦେଇଥିଲେ ।
