ନୂଆଦିଲ୍ଲୀ:ଭାରତୀୟ ବାୟୁୁସେନାକୁ ମିଳିଲା ଆଉ ୩ ରାଫେଲ ଯୁଦ୍ଧ ବିମାନ । ଏହି ୩ଲଢୁଆ ବିମାନ ଗତକାଲି (ମଙ୍ଗଳବାର) ସନ୍ଧ୍ୟାରେ ଫ୍ରାନ୍ସରୁ ଉଡାଣ ଭରି UAE ଦେଇ ଭାରତରେ ଅବତରଣ କରିଥିବା ସରକାରୀ ଭାବେ କୁହାଯାଇଛି । ଏହି ସଂଖ୍ୟାକୁ ମିଶାଇ ବାୟୁସେନାରେ ମୋଟ ରାଫେଲ ସଂଖ୍ୟା ୩୫କୁ ବୃଦ୍ଧି ପାଇଛି । ଦୁଇ ଦେଶ ମଧ୍ୟରେ ୩୬ଟି ରାଫେଲ କ୍ରୟ ନେଇ ଚୁକ୍ତିନାମା ସ୍ବାକ୍ଷର ହୋଇଥିବା ବେଳେ ଆଉ ମାତ୍ର ଗୋଟିଏ ବିମାନ ହସ୍ତାନ୍ତର କରିବ ଫ୍ରାନ୍ସ ।
ମିଳିଥିବା ସୂଚନା ଅନୁସାରେ, ଏହି ୩ବିମାନ ଫ୍ରାନ୍ସର ଏକ ଏୟାର ବେସରୁ ଭାରତ ଅଭିମୁଖେ ଉଡାଣ ଭରିବା ପରେ ସଂଯୁକ୍ତ ଆରବ ରାଷ୍ଟ୍ର (UAE) ରେ ଇନ୍ଧନ ଭରିବା ପାଇଁ ଅବତରଣ କରିଥିଲେ । ପରେ ସେଠାରୁ ସିଧା ଭାରତ ଅଭିମୁଖେ ଉଡାଣ ଭରି ଗତକାଲି ସନ୍ଧ୍ୟାରେ ଅବତରଣ କରିଛି ।