କାନପୁର: ପ୍ରେମିକାକୁ ମାରିବା ପାଇଁ ସୁପାରୀ ଦେଲା ପ୍ରେମିକ । ପ୍ରେମ ପାଇଁ କିଏ ଜୀବନ ଦେଇଛି ତ କିଏ ଜୀବନ ନେଇଥିବା ଖବର ଅନେକ ସମୟରେ ଶିରୋନାମା ପାଲଟିଛି । ନିକଟରେ ନିଜ ପ୍ରେମିକାକୁ ୩୫ ଖଣ୍ଡ କରିବା ଘଟଣା ସାରା ଦେଶରେ ହଇଚଇ ସୃଷ୍ଟି କରିଥିବା ପୁଣି ଆଉ ଏକ ଏଭଳି ଘଟଣା ସାମ୍ନାକୁ ଆସିଛି । ଉତ୍ତରପ୍ରଦେଶ କାନପୁରର ଜଣେ ପ୍ରେମିକ ନିଜ ପ୍ରେମିକାକୁ ହତ୍ୟା କରିବା ପାଇଁ ସୁପାରୀ ଦେଇଥିବା ଘଟଣା ଚର୍ଚ୍ଚାର ବିଷୟ ପାଲଟିଛି ।
ଅଭିଯୁକ୍ତ ପ୍ରେମିକ ପ୍ରେମ୍ ପ୍ରେମିକା ସୁଶୀଳା ସହିତ ଦୀର୍ଘ ଦିନରୁ ସମ୍ପର୍କ ରଖି ଆସିଥିଲା । ପରେ ପ୍ରେମିକା ଜଣକ ପ୍ରେମିକକୁ ବିବାହ କରିବା ପାଇଁ ଜିଦି କରିଥିଲା । ହେଲେ ଅଭିଯୁକ୍ତ ପ୍ରେମ୍ ପୂର୍ବରୁ ବିବାହ କରିଥିବାରୁ ସୁଶୀଳାକୁ ବିବାହ କରିବାକୁ ରାଜି ନଥିଲା । ସୁଶୀଳାକୁ ନିଜ ରାସ୍ତାରୁ ହଟାଇବା ପାଇଁ ଅଭିଯୁକ୍ତ ପ୍ରେମ୍ ରଚିଥିଲା ହତ୍ୟା ଯୋଜନା । ଏନେଇ ଅଭିଯୁକ୍ତ ୭୦ ହଜାର ଟଙ୍କାର ସୁପାରୀ ମଧ୍ୟ ଦେଇଥିଲା ।