ନୂଆଦିଲ୍ଲୀ: କିଛି ଦିନ ପରେ ସିଙ୍ଗାପୁରରେ ଆୟୋଜିତ ହେବାକୁ ଥିବା ଏୟାର ସୋ’ ରେ ଅଂଶଗ୍ରହଣ କରିବ ସ୍ବଦେଶୀ ନିର୍ମିତ ହାଲୁକା ଲଢୁଆ ବିମାନ ତେଜସ । ଆଜି ଏନେଇ ବାୟୁସେନା ପକ୍ଷରୁ ସୂଚନା ଦିଆଯାଇଛି । ଏୟାରଫୋର୍ସର ଜଣେ ବରିଷ୍ଠ ଅଧିକାରୀ କହିଛନ୍ତି, ଏୟାର ସୋ’ରେ ଅଂଶଗ୍ରହଣ କରିବା ଦ୍ୱାରା ତେଜସ୍ ବିମାନର ବୈଷୟିକ ଏବଂ ଉଡାଣ ଦକ୍ଷତା ପ୍ରଦର୍ଶନ କରିବା ପାଇଁ ଭାରତକୁ ଆଉ ଏକ ଅବସର ମିଳିପାରିବ ।
ହିନ୍ଦୁସ୍ଥାନ ଏରୋନେଟିକ ଲିମିଡେଟ (HAL) ଦ୍ବାରା ସ୍ବଦେଶୀ ଜ୍ଞାନକୌଶଳରେ ନିର୍ମିତ ଅତ୍ୟାଧୁନିକ ହାଲୁୁକା ଲଢୁଆ ବିମାନ ତେଜସ ଭାରତୀୟ ବାୟୁସେନାରେ ସାମିଲ ହେବା ପରେ ପ୍ରଥମ ଥର ପାଇଁ ଗତବର୍ଷ ଦୁବାଇରେ ଆୟୋଜିତ ହୋଇଥିବା ଏୟାର ସୋ’ରେ ତେଜସ ଭାଗ ନେଇଥିଲା । ଦୁବାଇ ଆକାଶରେ ଉଡାଣ କୌଶଳ ପ୍ରଦର୍ଶନ କରି ସମସ୍ତଙ୍କ ଦୃଷ୍ଟି ଆକର୍ଷଣ କରିବା ସହ ଭାରତୀୟ ଜ୍ଞାନକୌଶଳର ପରିଚୟ ମଧ୍ୟ ଦେଇଥିଲା ତେଜସ ।