ଚଣ୍ଡିଗଡ: କୃଷି ଆଇନକୁ ନେଇ ଦେଶରେ ଚାଲିଥିବା କୃଷକ ଆନ୍ଦୋଳନକୁ ବଳ ଦେବା ପାଇଁ ଲଗାତର ଆୟୋଜନ ଚାଲିଛି କିଶାନ ମହାପଞ୍ଚାୟତ । ଏହି କ୍ରମରେ ହରିୟାଣାର ରୋହତକ ଜିଲ୍ଲାରେ କିଶାନ ମହାପଞ୍ଚାୟତ ଆୟୋଜନ ହୋଇଥିବା ଦେଖିବାକୁ ମିଳିଛି । ଏହି କାର୍ଯ୍ୟକ୍ରମରେ ଭାରତ କିଶାନ ୟୁନିୟନର ରାଷ୍ଟ୍ରୀୟ ପ୍ରବକ୍ତା ରାକେଶ ଟିକାୟତଙ୍କ ସମେତ ବହୁ ଆଗ ଧାଡିର ଚାଷୀ ନେତାମାନେ ଉପସ୍ଥିତ ରହିଥିବା ଦେଖିବାକୁ ମିଳିଛି ।
ହରିୟାଣାରେ କିଶାନ ମହାପଞ୍ଚାୟତ , ବିଜେପିକୁ ଭୋଟ ନଦେବା ଲାଗି କହିଲେ କହିଲେ ଚାଷୀ ନେତା
ଏହି କିଶାନ ମହାପଞ୍ଚାୟତ କାର୍ଯ୍ୟକ୍ରମରେ ଚାଷୀ ନେତାମାନେ ବିଜେପି ଉପରେ ବର୍ଷିଥିବା ଦେଖିବାକୁ ମିଳିଛି । କିଶାନ ନେତା ଗୁରୁନାମ ଚଟୁନି ବିଜେପିକୁ ଭୋଟ ନଦେବା ପାଇଁ ଚାଷୀଙ୍କୁ ନିଜ ସମ୍ଭାଷଣରେ କହୁଥିବା ଦେଖିବାକୁ ମିଳିଛି । ସେ କହିଛନ୍ତି ଯଦି ବିଜେପି ଗ୍ରାମରେ ପଶି ଭୋଟ ଭିକ୍ଷା କରୁଛି ତାହା ହେଲେ ତାକୁ ଉଚିତ ଜବାବ ଦିଆଯାଉ । ସେମାନଙ୍କୁ ଭୋଟ ଦେବା ଅପେକ୍ଷା ଚୋରକୁ ଭୋଟ ଦେବା ସ୍ରେୟସ୍କର ବୋଲି କହିଛନ୍ତି ଚାଷୀ ନେତା ଗୁରୁନାମ ଚଟୁନି ।