ଥିରୁଅନନ୍ତପୁରମ: କେରଳର ପାଲା ବିଧାନସଭା ଆସନରେ ସୃଷ୍ଟି ହୋଇଥିବା ରାଜନୈତିକ ଡ୍ରାମାରେ ପଡିଛି ପୂର୍ଣ୍ଣଛେଦ । ଶେଷରେ ସସପେନ୍ସ ଉପରରୁ ପରଦା ଉଠାଇ ୟୁନାଇଟେଡ ଡେମୋକ୍ରାଟିକ ଫ୍ରଣ୍ଟ(UDF)ରେ ସାମିଲ ହୋଇଛନ୍ତି ପୂର୍ବତନ ଏନସିପି ନେତା ତଥା ପାଲା ବିଧାୟକ ମଣି କେ କପ୍ପନ । ଶନିବାର ଲେଫ୍ଟ ଡେମୋକ୍ରାଟିକ ଫ୍ରଣ୍ଟରୁ ନିଜର ସମର୍ଥନ ପ୍ରତ୍ୟାହାର କରି ଇସ୍ତଫା ଦେଇଥିଲେ ମଣି ।
ରବିବାର ପାଲା ସହରର ରାସ୍ତାରେ ଏକ ବିଶାଳ ରୋଡ୍ ଶୋ ପରେ କପ୍ପନ ବିରୋଧୀଦଳର ନେତା ରମେଶ ଚେନ୍ନାଇଥାଲାଙ୍କ ନେତୃତ୍ୱରେ ଆୟୋଜିତ ଐଶ୍ବର୍ଯ୍ୟ କେରଳ ଯାତ୍ରାରେ ପହଞ୍ଚି ତାଙ୍କ ଅଭିବାଦନ ଗ୍ରହଣ କରାଯାଇଥିଲା। ରମେଶଙ୍କ ବ୍ୟତୀତ ଓମେନ ଚାନ୍ଦି, ପି ଜେ ଜୋସେଫ୍ ଏବଂ ପିକେ କୁହ୍ନାଲିକୁଟ୍ଟି ମଧ୍ୟ ଏଠାରେ ଉପସ୍ଥିତ ଥିଲେ ।