ନୂଆଦିଲ୍ଲୀ:ଦେଶରେ ତଳମୁହାଁ ରହିଛି କୋରୋନା ଗ୍ରାଫ୍ । କ୍ରମଶଃ କମୁଛି ସଂକ୍ରମଣ । ଗତ ୨୪ ଘଣ୍ଟାରେ ଭାରତରେ ମାତ୍ର 13,058 ସଂକ୍ରମିତ ଚିହ୍ନଟ ହୋଇଛନ୍ତି । ଯାହା ଗତ 231 ଦିନ ଭିତରେ ସର୍ବନିମ୍ନ । ସେହିପରି ଗୋଟିଏ ଦିନରେ 19,470 ଆକ୍ରାନ୍ତ ସୁସ୍ଥ ହୋଇଥିବାବେଳେ 164 ଜଣ ସଂକ୍ରମିତ ଆଖି ବୁଜିଛନ୍ତି । କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ଏନେଇ ସୂଚନା ଦେଇଛି ।
ଆଜିର ନୂଆ ସଂକ୍ରମିତକୁ ମିଶାଇ ଦେଶର ମୋଟ ସଂକ୍ରମଣ ମାମଲା 3,40,94,373କୁ ବୃଦ୍ଧି ପାଇଛି । ସେହପରି ଦେଶରେ ସୁସ୍ଥ ସଂଖ୍ୟା ବଢିବା ସହ ବର୍ତ୍ତମାନ କେବଳ 1,83,118ଟି ସକ୍ରିୟ ମାମଲା ରହିଛି । ଏଯାବତ୍ ସମୁଦାୟ 3,34,58,801 ସଂକ୍ରମିତ କୋରୋନାରୁ ସୁସ୍ଥ ହୋଇଛନ୍ତି । ସେହିପରି ବର୍ତ୍ତମାନ ସୁଦ୍ଧା ମୋଟ 4,52,454 ଜଣଙ୍କ ମୁଣ୍ଡ ନେଇଛି ମହାମାରୀ ।