ଅହମଦାବାଦ:ଗୁଜୁରାଟ ବିଧାନସଭା ନିର୍ବାଚନ (Gujarat assembly Election) ପୂର୍ବରୁ ରାଜ୍ୟ କଂଗ୍ରେସର କାର୍ଯ୍ୟକାରୀ ସଭାପତି ହାର୍ଦ୍ଦିକ ପଟେଲ (Hardik Patel)ଙ୍କ ମତ ମନ୍ତବ୍ୟକୁ ନେଇ ଏବେ ରାଜନୀତି ସରଗରମ ।
ଶୁକ୍ରବାର ହାର୍ଦ୍ଦିକ ବିଜେପିକୁ ପ୍ରଶଂସା କରିବାକୁ ଯାଇ କହିଛନ୍ତି ମୁଁ ହିନ୍ଦୁ । ଆଉ ହିନ୍ଦୁ ହୋଇଥିବାରୁ ଗର୍ବ କରେ । ବିଜେପି ରାମ ମନ୍ଦିର ନିର୍ମାଣ ସହ ଧାରା ଅନୁଚ୍ଛେଦ କରି ନିଜ ପ୍ରତିଶୃତି ପୁରା କରିଛି । ନିଷ୍ପତ୍ତି ନେବାରେ ବିଜେପି ନେତା ଧୂରନ୍ଧର । ଯାହା ଦଳ ପାଇଁ ଫଳପ୍ରଦ ହେଉଛି । ଯାହାକୁ ନେଇ ସେ ପ୍ରଭାବିତ ହୋଇଛନ୍ତି ।
ତେବେ ନିଜ ଭବିଷ୍ୟତ ସମ୍ପର୍କରେ ସ୍ପଷ୍ଟ କରି ହାର୍ଦ୍ଦିକ କହିଛନ୍ତି ସେ ବିଜେପି ଯିବାର କୌଣସି ଯୋଜନା ନାହିଁ । କଂଗ୍ରେସରେ ଅଛନ୍ତି ରହିବେ । କିନ୍ତୁ ନିଜ ବିରୋଧୀଙ୍କୁ ଦୁର୍ବଳ ଭାବିବା ଅନୁଚିତ । ବିରୋଧୀଙ୍କ ଶକ୍ତି ଆକଳନ କଲେ ହିଁ ଆମେ ପୁରା ସାମର୍ଥ୍ୟ ସହ ନିର୍ବାଚନ ମୈଦାନରେ ଲଢେଇ କରିପାରିବା । ନିଜ ଦଳର ନେତୃତ୍ବ ଓ ନିଷ୍ପତ୍ତି ନେବାର କାର୍ଯ୍ୟଧାରା ଉପରେ ପ୍ରଶ୍ନ ଉଠାଇ ହାର୍ଦ୍ଦିକ କଂଗ୍ରେସର ଚାପ ବଢାଇ ଦେଇଛନ୍ତି ।
ହାର୍ଦ୍ଦିକ କହିଛନ୍ତି ସେ ରାଜ୍ୟ କଂଗ୍ରେସର କାର୍ଯ୍ୟକାରୀ ସଭାପତି । ହେଲେ ତାଙ୍କୁ କାମ କରିବାକୁ ଦିଆଯାଉ ନାହିଁ । ଦଳର କାର୍ଯ୍ୟକ୍ରମ ସଂପର୍କରେ ସୂଚନା ଦିଆଯାଉ ନାହିଁ । ସେ ସଂଗଠନ ପାଇଁ କାମ କରିବାକୁ ଚାହୁଁଥିଲେ ମଧ୍ୟ କରିବାକୁ ଦିଆଯାଉ ନାହିଁ । ମୁଁ ସମସ୍ତ ରାଜନୈତିକ ବିକଳ୍ପ ଖୋଲା ରଖିଛି । ରାଜ୍ୟର ଜନତା ପାଇଁ ଯାହା କରିବାକୁ ପଡିବ ମୁଁ କରିବି । ତେବେ ଶେଷରେ ପୁଣି ଥରେ ହାର୍ଦ୍ଦିକ ସ୍ପଷ୍ଟ କରିଛନ୍ତି କି ମୁଁ କଂଗ୍ରେସରେ ଅଛି ରହିବି ।
ବ୍ୟୁରୋ ରିପୋର୍ଟ, ଇଟିଭି ଭାରତ