ଟରାଣ୍ଟୋ: କାନାଡା ରାଜଧାନୀ ଟରାଣ୍ଟୋରେ ଥିବା ଏକ ପ୍ରମୁଖ ହିନ୍ଦୁ ମନ୍ଦିରକୁ ଭାଙ୍ଗି ଦେଇଛନ୍ତି ଖଲିସ୍ତାନୀ ଉଗ୍ରବାଦୀ (Hindu Temple demolished In Toronto)। ଟରାଣ୍ଟୋରେ ଥିବା ସ୍ବାମୀ ନାରାୟଣ ମନ୍ଦିର (BAPS Swaminarayan Mandir) ରେ ଏହି ଭାଙ୍ଗରୁଜା ହୋଇଛି । ଏହାକୁ ନେଇ କାନାଡା ପ୍ରଶାସନ କୌଣସି ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ଗ୍ରହଣ ନକରିବା ନେଇ ତୀବ୍ର ପ୍ରତିକ୍ରିୟାଶୀଳ ହୋଇଛି ଭାରତ । ଭାରତୀୟ ଦୂତାବାସ ପକ୍ଷରୁ ଘଟଣାକୁ ନିନ୍ଦା କରାଯିବା ସହ ଏପରି କରିଥିବା ବ୍ୟକ୍ତି ବା ଗୋଷ୍ଠୀ ବିରୋଧରେ ତୁରନ୍ତ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ କାନାଡା ପ୍ରଶାସନ ନିକଟରେ ଦାବି କରାଯାଇଛି (India Raises Issue for Hindu Temple demolished)।
ତେବେ ମନ୍ଦିରରେ ଭଙ୍ଗାରୁଜା ହୋଇଥିଲେ ମଧ୍ୟ କେବେ ଏହି ଘଟଣାକୁ ଦୃର୍ବୃତ୍ତମାନେ ରୂପ ଦେଇଛନ୍ତି (Hindu Temple demolished In Toronto) ସେ ନେଇ କିଛି ସ୍ପଷ୍ଟ ସୂଚନା ମିଳି ପାରିନାହିଁ । ଭାରତ ବିରୋଧୀ ତଥା ସ୍ବତନ୍ତ୍ର ଖଲିସ୍ତାନ ଦାବି କରୁଥିବା ଖଲିସ୍ତାନୀ ଗୋଷ୍ଠୀର କୌଣସି କାନାଡା ଉଗ୍ରବାଦୀ ସଂଗଠନ ଏପରି କରିଥିବା ପ୍ରାଥମିକ ଭାବେ ସୂଚନା ମିଳିଛି । କାନାଡାରେ ଅବସ୍ଥାପିତ ଭାରତୀୟ ଉଚ୍ଚାୟୁକ୍ତ (ହାଇକମିଶନର) ଏହି ଘଟଣାରେ ପ୍ରତିକ୍ରିୟା ରଖି କହିଛନ୍ତି, ‘‘ହିନ୍ଦୁ ମନ୍ଦିର (BAPS Swaminarayan Mandir) ଭଙ୍ଗା ଘଟଣାକୁ ଆମେ ନିନ୍ଦା କରୁଛୁ । ଆମେ କାନାଡା ପ୍ରଶାସନକୁ ଅନୁରୋଧ ମଧ୍ୟ କରୁଛୁ, ଏହି ସମ୍ବେଦନଶୀଳ ଘଟଣାରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ।’’