ମୁମ୍ବାଇ:ମହାରାଷ୍ଟ୍ରର ରାୟଗଡ ଜିଲ୍ଲାରେ ଅଭାବନୀୟ ଘଟଣା । ଭାରସାମ୍ୟ ହରାଇ ଓଲଟି ପଡିଲା ସ୍କୁଲ ପିଲାଙ୍କୁ ଧରି ପିକନିକରୁ ଫେରୁଥିବା ବସ । ୨ଜଣଙ୍କର ମୃତ୍ୟୁ ହୋଇଥିବା ବେଳେ ୪୭ଜଣ ଛାତ୍ରଛାତ୍ରୀ ଆହତ ହୋଇଥିବା ସୂଚନା ମିଳିଛି । ସମସ୍ତ ଆହତଙ୍କୁ ଉଦ୍ଧାର କରାଯାଇ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ଆହତଙ୍କ ମଧ୍ୟରେ କିଛି ଗୁରୁତର ମଧ୍ୟ ରହିଛନ୍ତି । ବସରେ ପ୍ରାୟ ୪୭ ଛାତ୍ରଛାତ୍ରୀ ଥିଲେ ଏବଂ ସେମାନେ ଏକ ପିକନିକରୁ ଫେରୁଥିବା ସମୟରେ ଦୁର୍ଘଟଣାର ଶିକାର ହୋଇଥିଲେ ।
ଗତକାଲି(ରବିବାର) ସଂଧ୍ୟାରେ ରାୟଗଡ ଜିଲ୍ଲାର ଖୋପୋଲି ଥାନା ଅଧୀନରେ ଥିବା ଲୋବାନିଆ ହିଲ ଷ୍ଟେସନଠାରୁ ପ୍ରାୟ ୧୪ କିଲୋମିଟର ଦୂର ପୁରୁଣା ମୁମ୍ବାଇ-ପୁଣେ ରାଜପଥରେ ଏହି ଦୁର୍ଘଟଣା ଘଟିଥିଲା । ଜଣେ ଅଧିକାରୀ କହିଛନ୍ତି ଯେ,''ବ୍ରେକ ଫେଲ ହେବା କାରଣରୁ ବସଟି ଭାରସାମ୍ୟ ହରାଇ ଓଲଟି ପଡିଥିଲା । ବସରେ ଥିବା ସମସ୍ତ ଛାତ୍ରଛାତ୍ରୀ ୧୦ ଶ୍ରେଣୀରେ ପାଠପଢନ୍ତି'' ।