ଚଣ୍ଡିଗଡ଼:ଚାଲିଥିଲା ଜନ୍ମଦିନ ସେଲିବ୍ରେସନ । ବାର୍ଥଡେ ପାର୍ଟିରେ ଫୁଟିଲା ଗୁଳି । ଗୁଳିମାଡରେ ଜଣେ 35 ବର୍ଷୀୟ ଏନଆରଆଇ (NRI) ଯୁବକ ପ୍ରାଣ ହରାଇଥିବା ବେଳେ ଅନ୍ୟ ଜଣେ ଯୁବକ ଆହତ ହୋଇଛନ୍ତି । ବର୍ତ୍ତମାନ ଆହତ ଯୁବକଙ୍କ ଚିକିତ୍ସା ଚାଲିଛି । ପୋଲିସ NRI ଯୁବକଙ୍କ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ଡାକ୍ତରଖାନାକୁ ପଠାଇଥିବା ବେଳେ ଏହି ଘଟଣାର ତଦନ୍ତ ଆରମ୍ଭ କରିଛି । ପଞ୍ଜାବର ଜଳନ୍ଧରରେ ଏଭଳି ଅଭାବନୀୟ ଘଟଣା ଘଟିଛି ।
ସୂଚନା ଅନୁସାରେ, ପଞ୍ଜାବ ଜଳନ୍ଧରର ତାଲହାନ ରୋଡରେ ଅବସ୍ଥିତ ଡ଼ିଲନ୍ ରିସର୍ଟରେ ଏକ ଜନ୍ମଦିନ ସେଲିବ୍ରେସନ ଚାଲିଥିଲା । ଏହି ସମୟରେ ସମ୍ପର୍କୀୟମାନଙ୍କ ମଧ୍ୟରେ କୌଣସି କାରଣରୁ ଝଗଡା ଆରମ୍ଭ ହୋଇଥିଲା । ଏହି ଝଗଡାରେ କ୍ରୋଧିତ ହୋଇ ଜଣେ ଯୁବକ ଗୁଳି ଚଳାଇବା ଆରମ୍ଭ କରିଥିଲା । ତେବେ ହଠାତ୍ ଗୁଳିମାଡରେ ଜଣେ ଏନଆରଆଇ ଯୁବକଙ୍କ ମୁଣ୍ଡ ଓ ଛାତିରେ ଗୁଳି ବାଜିବାରୁ ସେ ଘଟଣାସ୍ଥଳରେ ମୃତ୍ୟୁବରଣ କରିଥିଲେ । ମୃତ ବ୍ୟକ୍ତି ଜଣକ ଏନଆରଆଇ ଥିବା ତରନ ତାରନ ନିବାସୀ ଦଲଜିତ ସିଂ ବୋଲି ଜଣାପଡିଛି । ଦଲଜିତ ସିଂ ଜଣେ ଆମେରିକୀୟ ନାଗରିକ ଥିଲେ । ମୃତ ଦଲଜିତଙ୍କ ଶାଳକ ମୁଲଦାମ ନିଜ ଲାଇସେନ୍ସପ୍ରାପ୍ତ ରିଭଲଭରରୁ ତାଙ୍କୁ ଗୁଳି ଚଳାଇ ଥିଲେ ।
ଏହା ମଧ୍ୟ ପଢ଼ନ୍ତୁ:ଟଙ୍କା ଆଗରେ ତୁଚ୍ଛ ହେଲା ରକ୍ତ ସମ୍ପର୍କ: ଚିକିତ୍ସା ପାଇଁ ଅର୍ଥ ଦେଲାନି ଭଉଣୀ, ଗୁଳି କଲା ସଇତାନ ଭାଇ